Vakabula mai Zimbabwe!

Vulica na veika me baleti ira na luvena na Tamada Vakalomalagi e vuravura taucoko.

O Zimbabwe e tiko ena Ceva kei Aferika. E sivia ni 16,500,000 na tamata era tiko e kea.

Veivosa ni Vanua

E 16 na vosa vakadonui nei Zimbabwe. Eso vei ira oqo na Shona, Ndebele, kei na Vakavalagi—me cavuti ga vica!

Livukile!

Kena ibalebale oqo “Yadra vinaka!” vaka Ndebele.

Na Veisiko mai vua na Parofita

Ena Epereli ni 2018 erau a sikovi Zimbabwe kina o Peresitedi Nelson kei Sister Nelson. E drau vakadrau na gone era a lagata na “Au Luve ni Kalou” vei rau.

Dua Na Savu Totoka

Na Victoria Falls e Zimbabwe e savu levu duadua e vuravura. Na kena irorogo e rawa ni rogoci mai na 24 na maile (40 km) na kena yawa!

Manumanu Veivakurabuitaki

E vuqa tu na vanua veico e Zimbabwe. Eso na manumanu era bula ekea era laione, hipo, jirafu, na dia, kei na elefaniti.

iTaviqaravi

Cakacaka ni liga ni Elefaniti

E tiko e Zimbabwe na ikarua ni iwiliwili levu duadua ni elefaniti e vuravura!

1. Kotiva edua na iwirini ni pepa levu me uluna kei na rua na iwirini lalai me daligana. Qai vakabira na daligana ki na uluna.

2. Kotiva e dua na sukuwea balavu ni pepa me caka kina na tolona. Lobilobika me sorokidikidi kina.

3. Kotiva e rua na ileu ni elefaniti.

4. Qai droinitaka na matana me matadredredre tu na nomu elefaniti. Qai vakabira na kena ileu kei na tolona e cake!

iCakacaka ni kakana

Muriwo Unedovi (Draunikau Drokadroka kei na Bata Pinati)

Na Muriwo unedovi edua na kakana ni vanua o Zimbabwe. Oqo e dua na kena icakacaka o rawa ni cakava!

1. Seleta e 1 varasa ka vakasaqara ena itavuteke kei na waiwai me 3–5 na miniti. Seleta e 2 na tomata ka biuta ki na itavuteke. Vakasaqara me 3–5 tale na miniti.

2. Musuka e 10 na bilo (2400 ml) na spinaji (se dua na draunikau drokadroka o digitaka) ka biuta ki na itavuteke. Laiva na draunikau me malai me 5 na miniti.

3. Kuria kina e 2 na isevuni (30 ml) na bata pinati, 1/4 na bilo (59 ml) wai, kei na 1/2 na isevuni (2.4 ml) na qaliki pauta. Veiwakitaka vinaka ka biuta kina na masima me vaka o vinakata.

Raica mo vukei mai vua e dua na uabula!

Droini mai vei Katie Rewse