Lako Mai, Mo Muri Au iTaviqaravi

Me baleta na lotu vakamatavuvale se vuli ivolanikalou—se ka ni lasa ga!

Okosita 26–Sepiteba 1

Yavu Kaukauwa

Baleta na Ilamani 1–6

A vakavulici iratou na luvena tagane o Ilamani me ratou tara cake na nodratou bula ena yavu kaukauwa sai Jisu Karisito (raica na Ilamani 5:12). Na yavu sa ikoya na ka e tara cake kina edua na ka. Na yavu kaukauwa e vaqaqacotaka na vale taucoko, ena gauna sara mada ga ni cava. Tara e rua na vale cecere—dua ena dela ni yavu kaukauwa ka dua ena dela ni yavu malumalumu. Na vale cecere cava e dei vinaka? E rawa vakacava nida tara na noda bula vei Jisu Karisito?

Me baleti ira na gone sobu: Vukei ira na nomuni lalai mera kunea e dua na ka era nanuma ni kaukauwa sara. Na cava era a kunea? Vakavulica ni rawa ni da kaukauwa vei Jisu Karisito.

Sepiteba 2–8

iVakadinadina kei Jisu Karisito

Baleta na Ilamani 7–12

E vuqa na tamata ena ivolanikalou era a vakavulica ka vakadinadinataki Jisu Karisito (raica na Ilamani 8:16–20). Sa rawa mo tekivu tara cake tale ga na nomu ivakadinadina baleti Koya! Na ivakadinadina sai koya e dua na ka o vakabauta se kila ni dina me baleta na Tamada Vakalomalagi kei Jisu Karisito. Vola na nomu ivakadinadina ka vakatovotovotaka mo wasea vei ira na nomu matavuvale se itokani.

Me baleti ira na gone sobu: Tarogi ira na nomu lalai se cava era taleitaka me baleti Jisu Karisito. Qai wasea na nomu ivakadinadina me baleta na iVakabula vata kei ira.

Sepiteba 9–15

Kabata Tiko na Lalaga o Samuela

Baleta na Ilamani 13–16

O Samuela a parofita ka a vakavulica na veika baleti Jisu Karisito e dela ni lalaga ni dua na koro levu (raica na Ilamani 13:4). Lako ki na tabana e 12 ka cakava na cakacaka ni liga me vukei iko mo tukuna na italanoa kei Samuela.

Me baleti ira na gone sobu: Tauri ira toka na nomu lalai ni ra duri tu ena dua na idabedabe ka wasea tiko na veika era kila me baleti Jisu Karisito, me vaka a cakava o Samuela.

Sepiteba 16–22

Qito ni Veivakasokumuni

Baleta na 3 Nifai 1–7

A yalataka o Jisu Karisito ni na vakasoqoni ira kece na Luvena baleta ni lomani ira na tamata kecega o Koya ka vinakata me nodra na kosipeli (raica na 3 Nifai 5:24). Qitora e dua na qito me baleta na vakasokumuni. Mera tucake wavoki o ira na qito ena dua na iwirini. Me duri e loma e dua na tamata ka tukuna e dua na ka dina me baleti koya, me vaka na nona roka taleitaki. Kevaka e dina oya vua e dua tale, mera lako tale ga mai ki loma. Me toso tiko me yacova nira sa vakasoqoni vata kece yani ki loma.

Me baleti ira na gone sobu: Qitora na vuni kei na vakasaqara vata kei ira na nomu lalai. Mokoti ira sara nio kunei ira. Veivosakitaka na sala e yalataka kina o Jisu Karisito ni na vakasoqoni keda vata se vanua cava ga eda tiko kina.

Sepiteba 23–29

O Jisu na Vu ni Rarama

Baleta na 3 Nephi 8–11

O Jisu Karisito “na rarama kei na vu-ni-bula kei vuravura” (3 Nifai 9:18). Sarava e dua na cabe ni siga se dromu ni matanisiga vata kei na nomu matavuvale. Qai droinitaka e dua na iyaloyalo ni veika o a raica. Ni o droinitaka tiko, veivosakitaka na vuna o lomani Jisu Karisito kina kei na sala e kauta mai kina vei iko o Koya na rarama.

Me baleti ira na gone sobu: Lako i tuba ka raica na veirarama duidui, me vaka na matanisiga, na kalokalo, se na vula. Tarogi ira nomu lalai ena sala e vakayaco ka kina ki na veika era vakila, na rarama. Veivosakitaka na sala e noda rarama kina o Jisu Karisito.

Droini mai vei Katy Dockrill