Na Cava o Vakasamataka Tiko?

Au sega ni taleitaka na tovolea na veika vovou baleta niu dau calacala. Na cava meu na cakava?

—Uasivi Sara e Panama City

Kivei Uasivi Sara,

O na nanuma beka ni kevaka o sega ni cakava vakavinaka sara na ka, o sa na okati mo druka. Ia e sega ni dina oqori! Na kena dina qo, ni cala e rawa ni vukei iko mo vuli ka yaco mo vinaka cake.

Na Tamada Vakalomalagi e vukei keda meda vuli vakalalai (raica na Vunau kei na Veiyalayalati 98:12). Me isosomi ni noda vakanamata meda uasivi sara, tovolea mo vakanamata ki na tubu ka yaco vakamalua mo vakataki Koya. Vakaraica na veika o dau cakava vakavinaka. Sasaga mo veisautaka na veivakasama ca me baleti iko ki na veivakasama vinaka. Ka bibi duadua, ni o cakava e dua na cala—se 20 mada ga na cala—taura e dua na icegu levu, cavuta edua na masu, ka toso tikoga!

Loloma yani,

Na iTokani

Vukica na vei itoqa oqo me Cakacakaniliga!

E dua a tekivuna na droini eso oqo ia a qai soro koso ni nanuma nira sega ni vinaka sara. Vakayagataka na nomu vakasama mo vakacavara kina na veidroini yadua. Meda raica mada na cava e rawa ni yaco nida toso tikoga!