Mai na Mataveiliutaki Taumada

Na Veivutuni E Ka Rekitaki!

Mai vei Peresitedi Dallin H. Oaks

Matai ni Daunivakasala ena Mataveiliutaki Taumada

Tauri mai na “Vakasavasavataki mai na Veivutuni,” Liaona, Me 2019, 91–94.

Na veivutuni e ka rekitaki. Edua tiko na tiki bibi ni ituvatuva ni Kalou. E gadrevi vei keda kece meda veivutuni.

Meda veivutuni, e dodonu meda tekivu ena vakabauti Jisu Karisito. E dodonu meda biuta tani na noda ivalavala ca ka vakatusai ira. Sa kena ibalebale oqo meda kila nida a caka cala, ka kere veivosoti vei ira eda vakamavoataki ira, ka digitaka meda cakava na veidigidigi e vinaka cake. E dodonu tale ga meda vakayagataka na sakaramede ena vei Siga ni vakacecegu yadua.

Nida veivutuni, eda na savasava. E yalataka tu na Turaga ni na “sega ni nanuma tale [na noda ivalavala ca]” (Vunau kei na Veiyalayalati 58:42). Sa dua dina na iyalayala! Sa dua dina na cakamana! Sa veivakalougatataki dina!

Na noda iVakabula dauloloma e dodoka tu na Ligana me ciqomi ira kece era veivutuni ka muri Koya.

Savasava Tale

Cakava na itaviqaravi oqo me vukei iko mo vulica na veika me baleta na veivutuni!

1. Vakatawana e dua na koniteina makare ena wai. Qai vakalutuma eso na vatu kei na qele e loma ni wai. Oqo e vakaraitaka na veidigidigi cala eda cakava.

2. Meda savasava tale, e gadrevi meda tarova na cakava na veika cala. Me vakaraitaki oqo, kauta tani na vatu mai na koniteina. E vakacava tu na irairai ni wai ena gauna oqo? E se duka tikoga?

3. Me taucoko na veivutuni, eda gadrevi Jisu Karisito. E gadrevi vei keda meda vakabauti Koya kei na Nona Veisorovaki. Taura toka na koniteina ni wai ena ruku ni dua na paipo. Vakatawana na wai savasava ki loma ni koniteina me yacova ni sa drodro laivi na wai duka kece! Oqo e vakaraitaka na kaukauwa e tu vei Jisu Karisito me vukei keda meda savasava.

Droini mai vei Alyssa Tallent