O Cei Dina o Iko

Mai vei Elder Kevin W. Pearson

Ena Vitusagavulu

Mai na dua na veivakatarogi vata kei Olivia Kitterman kei Diana Evelyn Nielson.

E lomani keda na Tamada Vakalomalagi. E vinakata o Koya me vukei keda meda kila se o cei o keda. A bulia o Koya na yaloda ni bera ni da mai bula e vuravura. Eda sa luvena tagane kei na yalewa na Kalou.

Ena so na gauna eda na galili se lomaleqa beka nida na sega ni yaco me tamata vinaka cake. O Jisu Karisito e kila vinaka sara tu ga na veika eda vakila. Ena vukei keda o Koya meda vorata rawa na bolebole cava ga. Na veika dredre eda sotava ena bula oqo ena rawa ni vukei keda meda vakataki Jisu Karisito vakalevu cake kevaka eda gole Vua.

Na kosipeli e vukei keda meda raici keda me vaka e raici keda na Tamada Vakalomalagi. Ena noda vakabauti Jisu Karisito, sa rawa ni vuki na noda vakatovolei me veivakalougatataki. Na nomu kila se o cei o iko kei na sala e raici iko kina na Kalou ena vakalougatataka e dua ena itabayabaki cava ga!

Ni yaco me da kila vakamatata nio keda eda luve ni Kalou, ena rawarawa na noda vakanamata me vakataka na tamata e vinakata vei keda na Tamada Vakalomalagi meda vakataka. Eda na sotava vata kei Koya na noda bolebole. E dina ga nida sega ni uasivi sara ka da na caka cala, e rawa nida kunea na inuinui ena noda kila nida sa luve ni Kalou.

Vakasaqara na Veikataleitaki

O keda kece eda duidui. E duidui na noda taledi, na ka eda taleitaka, kei na ka eda sega ni taleitaka. Ia eda sa luve ni Kalou kece!

Vakayagataka na idusi mo vakalewena na ivolakabi ka kunea na cava era taleitaka na itokani yadua oqo. iDusi: Biuta e dua na X ena veika o kila ni sega ni dina. Na kena imatai sa caka oti vei iko. Ni sa oti, na vei yatu yadua e dodonu me tiko kina edua na lomanibai lala!

O dautabapiano e sega ni o Amara se o Jade.
O Max e sega ni taleitaka na fika.
E sega ni dua vei ira na gonetagane edau qiriqiri se dau karate.
Na goneyalewa e dau taleitaka na manumanu e sega ni o Amara.
O Kai duadua ga e taleitaka na vakacuru polo.