WiliiVolanikalou Sema

Na ivolanikalou e rawa ni vukei keda me da vakila na veivakacegui kei na loloma mai vua na Tamada Vakalomalagi. E rawa ni o cakava e dua na lisi-sema ni ivolanikalou mo wilika ni o lomaleqa se rarawa.

Na ibulibuli roka lokaloka e tiko kina eso na tiki ni ivolanikalou e rawa ni o vakayagataka. E rawa ni o vakuria talega kina na kena o taleitaka.

Kerea e dua na itubutubu se iliuliu ni Lalai me veivuke!

Cakava e dua na lisi ni nomu veitiki ni ivolanikalou taleitaki eso.
Ena nomu ivolanikalou, raica na imatai ni tikina ena nomu lisi. Vakayagataka e dua na penikau ni droini mo makataka kina vakamaqosa na tikina oya.
E yasana, vola kina na tiki ni ivolanikalou (se naba ni tabana, kevaka e rawarawa vei iko) ka tarava mai na lisi. Qai lako ki na tikina oya ka makataka talega.
Tomana tiko na makataki ni veitikina kei na volai tiko ni ivolanikalou e tarava. Nio makataka na iotioti ni tikina ena nomu lisi, vola e yasana na tiki ni ivolanikalou mai na imatai ni ivolanikalou o a makataka.

Joni 14:27: “Au sa laiva vei kemudou na vakacegu, au sa solia vei kemudou na noqu vakacegu: au sa sega ni solia vei kemudou me vaka sa solia ko vuravura. Me kakua ni rarawa na yalomudou se rere.”
Vunau kei na Veiyalayalati 68:6: “O koya mo dou marau kina, ka kakua ni rere, niu sa tiko vata kei kemudou koi Au na Turaga, kau na tu e yasamudou.”
Vosa Vakaibalebale 3:5: “Mo vakararavi vei Jiova ena vu ni yalomu.”
V&V 121:7: “Me vakacegu na yalomu; raica sa lekaleka wale ga na gauna ni nomu rarawa kei na vutugu.”
V&V 45:62: “Niu sa kaya vakaidina vei kemudou, sa waraki kemudou tu na veika lelevu.”
Vosa Vakaibalebale 3:24: “Ni ko sa davo sobu, ko na sega ni rere: io, ko na davo sobu, ia na nomu moce ena kamikamica.”