“ʻAi ʻa e Tuʻungá,” Ki Hono Fakamālohia ʻo e Toʻu Tupú, Sānuali 2021, 19.
ʻOtu Lea ki he ʻOtu Lea
ʻAi ʻa e Tuʻunga
ʻOku tokoni ʻa e kaveinga ʻo e taʻu ní ke ke ʻiloʻi ho fatongia ʻi hono langa hake e puleʻanga ʻo e ʻOtuá.
Faileleí
Fakahoko e ngāue lelei ʻokú ne ueʻi fakalaumālie pe fakaʻaiʻai e niʻihi kehé ke nau tali pea fakahoko ʻa e ngaahi meʻa ʻoku lelei mo fakaʻeiʻeikí.
Tuʻungá (fakavaʻe)
Ko e konga ki lalo ʻo ha fale, ʻokú ne fuesia e mamafa ʻo e meʻa kuo langa ʻi ʻolunga aí.
Ngāue lahi
Ko e ʻetau ngāue maʻongoʻongá ke tokoni ki hono langa hake ʻa e puleʻanga ʻo e ʻOtuá ʻi he māmaní, kau ai ʻa hono tānaki fakataha ʻo ʻIsilelí.1
Tupu mei he ngaahi meʻa īkí
ʻOku tokoni ʻa e fanga kiʻi meʻa iiki kotoa pē ʻokú ke faí ke langa hake ha meʻa ʻoku lahi.
Loto mo ha ʻatamai fie [ngāue]
ʻOku fie maʻu ʻe he ʻEikí ke līʻoa ʻetau ngaahi holí, fakakaukaú mo e ongó ki Heʻene ngāué.
Kai ʻa e ngaahi meʻa lelei ʻo e fonuá
Mei he Fuakava Motuʻa, ʻoku ʻuhinga ke tupulaki lahi (vakai, ʻĪsaia 1:19).
Saione
ʻE lava ke ʻuhinga e Saioné: ki he kakai ʻa e ʻEikí, ko ha feituʻu ʻa ia ʻoku nofo ai e kakai ʻa e ʻEikí, pe tōʻonga moʻui ʻa e kakai ʻo e ʻEikí (loto-maʻa, moʻui ʻaki e fono fakasilesitialé).
Vakai, Fakahinohino ki he Ngaahi Folofolá, “Saione,” scriptures.ChurchofJesusChrist.org; Gospel Topics, “Zion,” topics.ChurchofJesusChrist.org.