“ʻOku talamai ʻe he kakaí ʻoku hīkisia ke tala ko kitautolu ʻa e Siasi pē ʻe taha ʻoku moʻoní. Ko e hā ʻoku totonu ke u talaange kiate kinautolú?” Ki Hono Fakamālohia ʻo e Toʻu Tupú Sānuali 2021, 31.
ʻAi Hangatonu
ʻOku talamai ʻe he kakaí ʻoku hīkisia ke tala ko kitautolu ʻa e Siasi pē ʻe taha ʻoku moʻoní. Ko e hā ʻoku totonu ke u talaange kiate kinautolú?
Naʻe folofola tonu ʻa e ʻEikí kia Siosefa Sāmita ko e Siasí ni ko e “siasi moʻoni mo moʻui pē taha ʻi he funga ʻo e māmaní kotoa, ʻa ia ko au, ko e ʻEikí, ʻoku ou leleiʻia aí, ʻa ia ko e lea ki he siasí fakakātoa kae ʻikai ki he tangata fakafoʻituituí” (Tokāteline mo e Ngaahi Fuakava 1:30).
ʻOku ʻikai ʻuhinga ʻa e fakamatala ko ʻení ʻoku tau lelei ange ʻi ha toe taha. Ka ʻoku ʻuhinga ia ko e Siasi ʻeni ʻo Sīsū Kalaisi. ʻOkú Ne tataki ia, naʻá Ne fakafoki mai ia pea naʻá Ne foaki ki ai Hono mafaí. Koeʻuhí ko e meʻá ni, ʻoku ʻi ai ha ngaahi meʻa pau ko e Siasí ni pē te ne lava ʻo foaki maí, hangē ko e kau palōfita mo e kau ʻaposetoló, ngaahi ouau mo e ngaahi fuakava ʻo e temipalé, pea mo e Tohi ʻa Molomoná. ʻOku tau houngaʻia ʻi he ngaahi meʻá ni, pea ʻoku tau fie maʻu ke tau vahevahe ia mo e niʻihi kehé koeʻuhi ko e ʻofa moʻoní—kae ʻikai koeʻuhí ʻoku tau fie maʻu ke “tonu” pe “fakatokolahi ʻa e Siasí.”
Neongo ʻoku tau lava ke fakamoʻoni ʻi he loto-toʻa mo e loto-falala ki he Siasí, ka ʻoku ʻikai ke totonu ke tau anga fiemeʻa ki he niʻihi kehé pe taʻefakaʻapaʻapa ki heʻenau tuí. Naʻe pehē ʻe taha he Palōfita ko Siosefa Sāmitá, “ʻOku ʻikai ke tau kole ki ha faʻahinga kakai ke liʻaki ha faʻahinga lelei kuo nau maʻu; ko ʻetau kolé pē ke nau omi ʻo maʻu lahi ange”(Ngaahi Akonaki ʻa e Kau Palesiteni ʻo e Siasí: Siosefa Sāmita [2007], 177).