“Ko Ha Tali maʻa ‘Ōliva,” Ki Hono Fakamālohia ʻo e Toʻu Tupú, Sānuali 2021, 12–13.
Haʻu, ʻo Muimui ʻIate Au
Ko Ha Tali maʻa ʻŌliva
Naʻe haʻu ʻa ʻŌliva Kautele ke nofo ʻi he ʻapi ʻo Siosefa ko e Lahí mo Lusi Sāmitá lolotonga ʻene faiako ʻi he ʻapiako ne ofi atu ki honau fāmá.
Naʻe fanongo ʻa ʻŌliva fekauʻaki mo hona foha ko Siosefá mo e ʻū lauʻi peleti koulá. Naʻá ne loto ke ʻilo lahi ange.
Naʻe manako ʻa ʻŌliva ke ako fekauʻaki mo e founga ne foaki ai he ʻOtuá kia Siosefa ʻa e mālohi ke liliu ʻa e ʻū lauʻi peleti koulá.
ʻOku ou fie tokoni ki he liliú.
ʻI he ʻosi pē ʻa e akó, te u alu ʻo tokoni kia Siosefa.
ʻOku totonu ke ke lotu ʻo fehuʻi ki he ʻEikí pe ʻoku totonu ia kiate koe.
ʻI he pō ko iá naʻe lotu ʻa ʻŌliva mo kole ki he ʻEikí pe ko e hā ʻoku totonu ke ne faí.
Naʻe ongoʻi ʻe ʻŌliva ha nonga ʻi he taimi naʻá ne lotu ai ke tokoni kia Siosefa ʻi he liliú.
Naʻe ʻikai fuoloa kuo fononga atu ʻa ʻŌliva ke fetaulaki mo Siosefa Sāmita. Naʻá ne fononga mo e tokoua ʻo Siosefa ko Samuelá.
Siosefa, ʻoku ou ʻi hení ke tokoni. Te u lava ʻo hoko ko hoʻo tangata tohi.
Mālō ʻaupito. ʻOku ou houngaʻia ʻi hoʻo tokoní.
ʻOku kamata liliu ʻa Siosefa mo ʻŌliva. Ne fiefia ʻa ʻŌliva he aʻusia ko ʻení, ka naʻe kei ʻi ai pē haʻane ngaahi fehuʻi.
ʻI ha ʻaho ʻe taha, naʻe maʻu ʻe Siosefa ha fakahā maʻa ʻŌliva ʻo fakamanatu ange kiate ia ʻa e tali ki heʻene lotú.
“Ko e moʻoni, ko e moʻoni, ʻoku ou pehē kiate koe, kapau ʻokú ke holi ki ha toe fakamoʻoni kehe, ke ke fakakaukau ʻi ho ʻatamaí ki he pō ʻa ia naʻá ke tangi ai kiate au ʻi ho lotó, ke ke ʻilo ki hono moʻoni ʻo e ngaahi meʻa ko ʻení.
“ʻIkai naʻá ku lea ʻaki ʻa e fiemālié ki ho ʻatamaí ʻi he meʻá? Ko e hā mo ha toe fakamoʻoni lahi hake te ke lava ʻo maʻu ʻi ha fakamoʻoni mei he ʻOtuá?”1
Naʻá ku lotu ke ʻilo pe ʻoku totonu ke u haʻu ʻo tokoniʻi koe, pea ne u ongoʻi nonga. ʻOku ʻikai ha taha ʻe malava ke ʻilo ʻeni tukukehe pē ʻa e ʻOtuá.
Naʻe ʻiloʻi fakapapau ʻe ʻŌliva naʻe moʻoni ʻa e ngāué. Naʻá ne fakaʻosi mo Siosefa ʻa e liliu naʻe hoko ko e Tohi ʻa Molomoná.