“Mālō e Lelei,” Ki Hono Fakamālohia ʻo e Toʻu Tupú, Sānuali 2021, takafi muʻa ki lotó.
Mālō e Lelei
Ko ʻeni hoʻomou makasini foʻoú.
Ko e makasini Ki Hono Fakamālohia ʻo e Toʻu Tupú ko hoʻomou makasini ia, ne faʻu ia fakatautefito maʻá e toʻu tupú.
Te ke maʻu ʻi he pulusinga kotoa pē ha meʻa makehe. Te tau maʻu ha ngaahi pōpoaki fakalaumālie mo langaki mo‘ui mei he Kau ʻAposetolo mo e kau taki kehé, ngaahi fakamoʻoni mo e aʻusia mei he toʻu tupú, ngaahi ʻekitivitī fakafiefia, mo ha meʻa lahi ange.
ʻI he konga ko ʻení te mau fakaʻaliʻali atu ai e toʻu tupu mei he funga ʻo e māmaní ʻi heʻenau talanoa e meʻa ʻoku nau manako ke faí pea tau ako ai ha kihiʻi meʻa fekauʻaki mo ʻenau moʻuí. ʻOku mau fie vahevahe foki mo hoʻomou ngaahi talanoá! ʻOmi ha pōpoaki fekauʻaki mo hoʻomou ngaahi manakó, ko ha potufolofola ʻoku mou manako taha ai, ko ha meʻa siʻi kau ki homou fāmilí, pea mo ha aʻusia nounou ʻa ia naʻa mou ongoʻi ai hono tokoniʻi kimoutolu ʻe he ʻEikí. ʻĪmeili mai kiate kimautolu ʻi he ftsoy@ChurchofJesusChrist.org.