“Fesootai,” Mo le Malosi o le Autalavou, Fep. 2021, totonu o le faavaa pito i luma.

Fesootai

Maximiliano B.

16, Atenitina

Ua ou matuai fiafia lava e faatutu ni sini mo le polokalama fou a Tamaiti ma le Autalavou. Sa ou taumafai e faatu ni sini ia o le a fesoasoani ia te a’u i lo’u olaga mai lea aso i lea aso, ae e tele lava ina ou taulai atu i sini ia o le a fesoasoani ia te a’u e saunia ai mo se misiona. Ua ou faatuina ni sini e valaaulia se uo i se gaoioiga a le Ekalesia, pasi a’u vasega i le aoga, faamalositino i aso e lua i le vaiaso, ma faaleleia lo’u auai i le seminare. Ua uma ona ou ausia nisi o nei sini ma ua ou fiafia lava i ai. E seki lava le vaaia ua ou matuai suia lava.

Ua matuai uunaia e nei mea uma lo’u olaga i le taimi nei, e le na o lou faia o se gaoioiga, tusi i lalo, ma pau ai lea. E fesoasoani ia te a’u e faaleleia ma suia i vaega eseese uma o lo’u olaga. O sini, aemaise lava sini faaleagaga, ua fesoasoani ou te tumau malosi ai i nei taimi faigata, lea ou te iloa o le a fesoasoani foi ia te a’u a o ou i ai i la’u misiona. Ma i nisi o itu, o se misiona e le fuafuaina mo na o le lua tausaga ae mo aso uma o totoe o lou olaga, o lea ou te iloa ai pe a faaauau pea ona ou galue malosi ma tumau i le usiusitai, o nei mea uma lava o le a aafia ai a’u e faavavau.