“Aua le Fefefe,” Mo le Malosi o le Autalavou, Fep. 2021, 32.
O lea Upu ma lea Upu
Aua le Fefefe
Ua tau mai e le Alii ia i tatou le ala e ola ai e aunoa ma le fefe.
Aua le fefefe e fai mea lelei
E finagalo le Alii ia tatou faia mea lelei, o le mea lea e le tatau ai ona tatou fefefe e faia.
Lulu … selesele
O le lulu o lona uiga o le totoina o fatu. O le selesele o lona uiga ia selesele mea na e totoina. O lenei mea e taua “o le tulafono o le seleselega.” Afai e te totoina ni fatu lelei, o le a e seleseleina ni meaai lelei. Afai e te totoina ni fatu leaga, o le a e seleseleina ni meaai leaga. O le faia o mea lelei e pei lava o le totoina o fatu lelei. O le a e mauaina ni taui lelei.
Ou te le tausalaina outou; o i o outou ala ma ia le toe agasala
E mafai ona faamagalo i tatou e le Alii pe afai tatou te salamo. E le tatau ona tatou faatagaina a tatou agasala ua tuanai e taofia ai i tatou mai le salamo, agai i luma, ma le faia o mea lelei.
Ma le faautauta
I se tulaga naunau atu, toafimalie, ma le magafagafa lelei.
Vaai mai ia te aʼu i mafaufauga uma
O le isi lea auala o le fai atu “ia manatua pea o ia,” a o tatou folafola atu e fai i le faamanatuga.1
Faauta i manu’a
O manua i lima, vae, ma le itu o Iesu Keriso o faailoga ia sa faasatauroina ma toetu mai o Ia.2 Ua latou faaali mai ia i tatou ua Ia manumalo i mea uma. O lenei mea tatou te maua ai le malosi ma le lototele ina ia tatou le manaomia ai le masalosalo pe fefefe.
Mautofi
O le a tuuina mai e le Tama Faalelagi ia i tatou mea uma o ia te Ia pe afai tatou te usitai ia te Ia.