“Ou te fia faalogo i le siufofoga o le Alii i lou olaga. E faapefea ona ou iloa ua ou faalogoina o Ia?” Mo Le Malosi o le Autalavou, Fep.2021, 29.
Tuusao i le Mataupu
E mafai faapefea ona ou iloa ua ou faalogoina le siufofoga o le Alii i lou olaga?
Ua valaaulia i tatou e Peresitene Russell M. Nelson ina ia “mafaufau loloto ma le le aunoa” e uiga i le auala tatou te faalogo ai ia Iesu Keriso ma ia “fai laasaga e faalogo lelei atili ai ia te Ia” (“E Faapefea Ona E #FaalogoiateIa? ‘ O Se Valaaulia Faapitoa,” Fep. 26, 2020, blog.ChurchofJesusChrist.org).
E mafai ona tatou faalogo ia te Ia e ala mai i tusitusiga paia ma upu a perofeta. Ae e le na o le faalogo pe faitau i na upu o le ki lena. E ala mai i le Perofeta o Iosefa Samita, na faamalamalama mai ai e le Alii:
“O lo’u leo lea o loo tautala atu [nei upu] ia te outou; ona ua tuuina mai i latou e lou Agaga ia te outou … ;
“O le mea lea, e mafai ona outou molimau atu sa outou faalogo i loʼu leo”(Mataupu Faavae ma Feagaiga 18:35–36).
Ma le isi, o le saili atu e faalogologo ia te Ia e le o se mea tatou te faia i ni taimi pupuu. Na saunoa Peresitene Nelson, “E manaomia le taumafaiga e faia i ai le atamai” (“Faalogo ia te Ia,” konafesi aoao Ape. 2020 [Ensign po o le Liahona, Me 2020, 89]).
A o e suesue, tatalo, tapuai, auauna atu, ma usitai i poloaiga a le Alii, o le a Ia faamanuiaina oe i Lona Agaga ma, e ala i le Togiola a Iesu Keriso, o le a suia ai oe. Ona e iloa ai lea ua e faalogo i Lona siufofoga.