“I-konektar,” Alang sa Kalig-on sa mga Kabatan-onan, Hunyo 2021, sulod sa atubangang hapin.
I-konektar
Ammon S.
13, Jamaica
Litrato pinaagi ni Christina Smith
Usa ako ka magdudula sa football [magdudula og soccer]. Sa praktis sa football, ang akong coach mipahimo kanamo og daghang pagsulay sa paglahutay ug mga ehersisyo. Nindot akong pamati kon mohimo ko og mga tumong ug makab-ot kini.
Mihimo ko og espirituhanon nga tumong nga dili matulog kon mag-ampo ko inig ka gabii. Naandan nako nga maghigda sa akong higdaanan samtang mag-ampo ko, apan karon motarong ko og lingkod o magluhod. Naningkamot usab ko sa pag-usab-usab sa unsay akong isulti sa akong pag-ampo ug dili lang basta magbalik-balik sa samang butang. Kining bag-o nga tumong nakatabang kanako nga mobati og mas maayo sa gabii tungod kay makompleto gayod nako ang mga pag-ampo!
Ang akong kasilinganan saba kaayo, mao nga lisud ang pagdungog sa tingog sa Espiritu. Usahay mobati ko nga mabati lang nako ang Espiritu Santo kon anaa ko sa pulpito maghatag og pakigpulong, magpaambit sa sakramento, o mag-ampo sa gabii. Ang akong mga ginikanan nagpakita og maayong mga ehemplo sulod sa among panimalay, pinaagi sa, pagpahigayon og kanunayng pagtuon sa kasulatan ug sa pagbutang og hulagway ni Jesukristo ug sa Basahon ni Mormon sa among kusina. Sa matag higayon nga akong makita kadtong mga litrato, mapahinumduman ko sa pag-ampo ug sa pagtuon sa kasulatan, ug niadtong mga butang nga nakatabang usab kanako nga mobati sa Espiritu Santo.