“Unsaon nako nga mahimong mapainubsanon nga dili maubos ang pagtan-aw sa kaugalingon?” Alang sa Kalig-on sa mga Kabatan-onan, Hunyo 2021, 31.
Direkta sa Punto
Unsaon nako nga mahimong mapainubsanon nga dili maubos ang pagtan-aw sa kaugalingon?
Ang Ginoo kanunay nga nagsugo sa mga tawo nga magpaubos sa ilang mga kaugalingon diha sa Iyang atubangan ug kanunay nga mipasidaan kanila kon dili sila igo nga mapainubsanon (tan-awa sa Doktrina ug mga Pakigsaad 67:10).
Subo lang, pipila sa mga tawo mahimong mobati nga ang pagpaubos sa ilang mga kaugalingon nagpasabot sa pagdaot sa ilang kaugalingon. Apan dili kana tinuod.
“Ang pagpaubos wala magpasabut sa pagkombinsir sa atong kaugalingon nga kita walay pulos, walay kahulugan, o gamay ra og bili. … Dili nato madiskubrihan ang pagpaubos pinaagi sa dili kaayo paghunahuna sa atong kaugalingon; atong madiskubrihan ang pagpaubos pinaagi sa dili kaayo paghunahuna kabahin sa atong kaugalingon. Moabut kini samtang magbuhat kita sa atong buluhaton uban sa kinaiya sa pagserbisyo sa Dios ug sa atong isigkatawo.”1
Kon kita tinud-anay nga mapainubsanon, diha mosugod nga atong mapalambo ang balaan nga pagtahod ug gugma alang sa Langitnong Amahan, nga nag-ila nga Siya mao ang labing gamhanan, labing maalamon, ug labing mahigugmaon. Kini makapahimo kanato nga magmapasalamaton alang sa tanan natong mga gasa ug mga panalangin, lakip na sa gasa sa Iyang Anak, si Jesukristo. Dayon gustohon nato nga moserbisyo sa Dios ug sa uban. Samtang ato kining buhaton, ang Espiritu Santo magauban kanato, ug mahimo kitang mas malipayon ug mobati usab og mas maayo kabahin sa atong kaugalingon.