“Makapaambit Kamo sa Ebanghelyo sa Natural nga Paagi,” Alang sa Kalig-on sa mga Kabatan-onan, Hunyo 2021, 6.
Dali, Sunod Kanako
Makapaambit Kamo sa Ebanghelyo sa Natural nga Paagi
Paghulagway ni Kayela Larsen
Kon gusto ninyo nga mopaambit sa ebanghelyo apan wala masayod unsay buhaton. Kamo wala mag-inusara. Daghang mga tawo nga mobati sa ingon nianang paagi.
Ania nahibaloan na sa kadaghanan: dili kinahanglan nga himoon kining lisud! Sa pagkatinuod, sa kasagaran kita ang naglisud-lisod sa atong kaugalingon pinaagi sa sobrang paghunahuna o sa hilabihang pagpaningkamot.
Ang importante nga magpaka-ikaw. Pagmatinud-anon, pagkamabination, ug andam sa pagpaambit kon si kinsa kamo ngadto sa uban. Kon inyong buhaton, inyong makita nga kamo sa pagkatinuod makabaton og mas daghang oportunidad sa pagpaambit unsay anaa kaninyo. Ayaw kini og ipugos kon dili angay. Sama sa gisulti ni Elder Dieter F. Uchtdorf sa Korum sa Napulog Duha ka mga Apostoles nga , “Mangita og mga kahigayonan sa paghisgut bahin sa inyong pagtuo sa natural ug normal nga pakig-istorya [ngadto] sa mga tawo.”1
Dinhi makakat-on kamo gikan sa duha ka miyembro kinsa mopaambit kon sa unsang paagi nga nahitabo kini sa ilang kinabuhi. Samtang kamo mobasa sa ilang mga istorya, hunahunaa ang kabahin sa unsang paagi ang ilang mga kasinatian lagmit makasugyot kon unsaon nga kamo sa natural nga paagi makasunod ug makapaambit sa unsay inyong gituohan—ug mopanalangin og mga kinabuhi samtang nagbuhat sa ingon.