“Semati,” Me iSakisaki ni iTabagone, Jiulai 2021, loma ni waqana e liu.
Semati
Orin S.
17, British Columbia, Kenada
iTaba mai vei Christina Smith
A gole na noqu matavuvale ena dua na vakatasosoko ka sega tu ni raica na vanua me sivia e tolu na macawa. Ni oti na imatai ni rua na macawa, keitou a sotava e dua na cava kaukauwa. A basuka na neitou laca na cagi, ka vodo mai na ua ki na dreke, ka vakaluvuca sara na mua mada ni waqa. Ena dela ni veika kece oqori, a voleka ni oti kece na meitou wai ni gunu—ka kevaka keitou na bula mai na cava, keitou na se leqataka tikoga oya.
A vakaosota yani na noqu matavuvale na yasa ni waqa ka se bau mamaca toka ka masumasu voli me voleka ni dua na auwa. Au sega mada ni kila kevaka keitou na bula rawa ena bogi oya, ia au kila ni, se veitalia na cava, au na tikoga kei na noqu matavuvale baleta ni keitou sa vauci vata tu.
Ni keitou masu oti, keitou raica sara ni sa ruru sobu na cagi ka sa malumu na ua. Ni oti ga oya, sa tekivu bisa mai na uca, ka dau yaco vakavudua sara ena tiki ni wasawasa oya. Keitou a vakayagataka e dua na tavuleni me vakasinaita na neitou taqe ka keitou rawata ena mana na wai e veirauti vinaka me keitou vakacavara kina na ilakolako.
Na veika oqori a vakaraitaka vei au na kaukauwa ni masu kei na levu ni nona kauwaitaki keda na Tamada Vakalomalagi. Ni’u vakananuma lesu na cava oya, au kila ni dina ka sa ka dina na kosipeli.