“Na Masu me baleta na Matailoilo ni Qalo,” Me iSakisaki ni iTabagone, Jiulai 2021, 27.
Yavu Tudei Eso
Na Masu me baleta na Matailoilo ni Qalo
Droini mai vei Toby Newsome
Ena dua na gauna au a lako vata kei tamaqu ki Sigatoka, e Viti—e dua na vanua totoka ni sisili e wasawasa. Rau a sa sere na noqu itubutubu, ka a sega ni lako vata kei keitou na tinaqu. Ni bera ni keitou biubiu, a volia vei au o koya na noqu matailoilo lokaloka. Io, era sa matailoilo walega, ia a namaka vei au me’u qarauna vinaka ka kauta lesu mai.
Ni mai cava na ikarua ni siga e Sigatoka, au qai kila ni sa sega ni tu vei au na noqu noqu matailoilo. Au a lomaleqataka ni’u sa vakayalia e wasawasa. Na imatai ni ka au a cakava oya au masulaka me’u na rawa ni kunea na noqu matailoilo. Au vakila na vakacegu ka’u kila ni na vinaka na ka kecega.
Na tamata duadua ga au a tukuna vua oya o ganequ. E sega ni vakabauta na Kalou o koya ka dau vakalewa wasoma na noqu vakabauta baleta ni o au duadua ga ena noqu matavuvale au lewena Na Lotu i Jisu Karisito ni Yalododonu Edaidai. A kaya o koya, “Io, o sa na sega ni rawa ni kunea tale.” Au a tukuna vua, “Au sa masulaka, ka’u kila ni na saumi mai na noqu masu.”
Ena siga ka tarava au a vakadikeva na loma ni wai ni keirau a qaqalo voli. Ni sa gauna ni lako, au se bera ga ni kunea na noqu matailoilo. Au a ciqoma ni’u na rairai sega ni kunea ka vakavinavinakataka na Tamada Vakalomalagi ena Nona veikaroni kei na vakacegu.
A qai kaila vakasauri mai o ganequ. A taura cake tu o koya na matailoilo lokaloka!
E se sega tikoga ni vakabauta na kosipeli o ganequ, ia au vakavinavinakataka na vakacegu, kaukauwa, kei na veivakadeitaki e dau yaco mai ni’u biuta na noqu vakabauta vei Tamada Vakalomalagi kei Jisu Karisito.
Shreya S., Suva, e Viti