“Fesootai,” Mo le Malosi o le Autalavou, Iulai. 2021, i totonu o le faavaa pito i luma.
Fesootai
Orin S.
17, British Columbia, Kanata
Ata na pueina e Christina Smith
Sa o lo’u aiga i se malaga folau ae sa le’i vaaia le laueleele mo le silia i le tolu vaiaso. Ina ua mavae vaiaso muamua e lua, sa taia i matou i se afa matautia. Sa motusi a matou la i le matagi, ma sa fafati mai galu i luga o le fola o le vaa, ma lilofia ai uma luma o le vaa. I le tumutumuga o na mea uma, sa toeitiiti lava uma a matou vaiinu—ma a matou sao mai le matagi, o loo i ai pea le popole i vai.
Na feoma’i lo’u aiga i lalo i totonu o le vaega e tasi na mago o le vaa ma sa toeitiiti lava atoa se itula o tatalo. Ou te le’i iloa pe o le a matou sao mai le po, ae sa ou iloaina, po o le a lava le mea e tupu, o le a matou faatasi ma lo’u aiga aua sa faamauina faatasi i matou.
Ina ua uma le matou tatalo, sa matou vaai ua filemu le matagi ma ua taofia ia galu. E le’i umi, ae amata ona maligi timuga, lea e matuai seasea lava ona tupu i lena vaega o le vasa. Sa matou faaaogaina se tapoleni e faatutumu ai a matou tane ma o se vavega le maua ai o le vai na lava e faamae’a ai le malaga.
O lena aafiaga na faaali mai ai ia te a’u le auala e matuai mamana ai lava le tatalo ma le tele o le manatu mai o le Tama Faalelagi mo i tatou. Pe a ou mafaufau i tua i lena afa, ou te iloa e sa’o ma e moni le talalelei.