“I San Diego, ISA,” Mo le Malosi o le Autalavou, Iulai. 2021, 20–21.
O Le Auala Matou te Tapuai ai
I San Diego, ISA
Ata pue mai le Getty Images
Talofa lava! O lo’u igoa o Chace B. O au e 14, ma ou te nofo i San Diego. O San Diego e i le faaiuga i saute o le setete o Kalefonia, ISA. O le laueleele o loo matua eseese lava. E maua i San Diego ni uafu, mauga maualuluga, vanu, lua loloto, ma mauga. E masani lava ona mafanafana ma susulu le la i le tausaga atoa.
Feiloai i Lo’u Aiga
Matou te nonofo i luga ma lo’u aiga i atumauga o San Diego. Matou te nonofo ma lo’u tina; lo’u tuafafine e 10-tausaga le matua, o Payslie; ma lo’u abuelito ma abuelita (tamamatua ma tinamatua). Matou te nonofo i se faato’aga ma le tele o manu. Matou te taumafai e ola i se ituaiga olaga faatauvaa ma le olaga tuai lava.
Faia o le Famanatuga o se Mea Faapitoa
I le vaitaimi o le sa o le KOVITI-19, sa mafai ona tau faasamasamanoa tele le Aso Sa i le fale i luga o a matou nofoa ma o matou ofu lelei. Sa ou manao e faia se mea ina ia mautinoa ai sa faapitoa le Aso Sa. Sa ou filifili e fai sa matou lava fata faamanatuga a lo’u aiga o se tasi o a’u sini faaleagaga mo le polokalama fou mo Tamaiti ma le Autalavou.
Muamua, sa ou aumaia se fasi laau ma ili ni pu i le tasi afa mo ipu. Ona ou vaneina lea o se fata i luga o le isi afa mo le falaoa. Sa fesoasoani la’u abuelita ia te a’u e sanipepa seia oo ina lamolemole lelei lava. Ona ma faapipii lea o se ’au ma faamauina le laau.
O le Aso Sa muamua sa ma o ai e tapena le faamanatuga ma na le mafai ona maua ni ipu e fetaui ma pu i le fata. Na matou saili uma mo le tele o itula ma itula mo ipu. Ina ua mavae sina taimi, sa tonu loa ia te a’u e faapea, pe i ai pe leai ni ipu e fetaui lelei o le a matou tagofia pea i le faamanatuga. Matou te le faatagaina lenei mea e fai ma papupuni i lo matou lava ala e tausia ai le paia o le aso Sapati.
O lena Aso Sa sa matou aai ai ma feinu i le faamanatuga, sa o se taimi sa sili atu ona filemu, faamoemoe, ma le migao. Sa ou lagona le fiafia i le sini na ou faatuina ma ausia. Ou te iloa ma na mafai ona lagona le mitamita o lo’u Tama Faalelagi ia te a’u mo la’u sini ma filifiliga na aafia ai.