“O le Mafuaaga e Tatau ai Ona Outou Lototetele,” Mo le Malosi o le Autalavou, Iulai 2021, 6.
Sau, Mulimuli Mai ia te A’u
O le Mafuaaga e Tatau ai Ona Outou Lototetele
Lototetele! Ua tuuina mai e le Alii ia te outou ni mafuaaga e tatau ai.
Ua tuuina mai e le Alii ia i tatou le tele o valaaulia. Ma e masani ona Ia faia faafia mea e taua. (Mo se faataitaiga, na faafia ona Ia fetalai mai i se mea e pei o le “O mai ia te au”?)
O se tasi o valaaulia o le a e mauaina soo i tusitusiga paia o le: “Ia outou lototetele.”
O nisi taimi e ta’u mai e le Alii lenei mea pe a taumafai lona nuu e mulimuli ia te Ia ae o loo feagai ma mea faafeagai ma tofotofoga. Ma pe a Ia valaaulia i tatou ia lototetele, e masani ona Ia tuuina mai mafuaaga mo Lana faamalosiau ia i tatou ina ia fiafia. Mo se faataitaiga, na Ia saunoa i se tasi taimi:
“Ia fiafia, ona o le a Ou taitaia outou i le ala. O le malo ua ia outou ma o ona faamanuiaga ua ia outou, ma o ‘oa o le faavavau ua ia outou ia” (Mataupu Faavae ma Feagaiga 78:18).
Se’i o tatou auiliiliina lena mea:
“Ia fiafia, ona [Mafuaaga 1] o le a Ou taitaia outou i le ala. [Mafuaaga 2] O le malo ua ia outou ma [Mafuaaga 2a] o ona faamanuiaga ua ia outou, ma [Mafuaaga 3] o oa o le faavavau ua ia outou ia” (Mataupu Faavae ma Feagaiga 78:18).
O i ua faamanatu mai ai e le Alii ia i tatou Lana taitaiga ma faamanuiaga. O nisi na o mafuaaga lelei e lototetele ai.
O se isi faataitaiga lea:
“Ia fiafia, le fanau laiti e; ona [Mafuaaga 1] ua Ou i ai i lo outou lotolotoi, ma le [Mafuaaga 2] Ou te le’i tuulafoaiina outou ”(Mataupu Faavae ma Feagaiga 61:36).
Ma le isi:
“Ia fiafia, ma aua le fefe, aua [Mafuaaga 1] o A’u le Alii ua Ou faatasi ma outou, ma [Mafuaaga 2] o le a [Ou] tu i tafatafa o outou” (Mataupu Faavae ma Feagaiga 68:6).
Ua faamanatu mai e le Alii ia i tatou o loo latalata mai o Ia ia te i tatou ma o le a fesoasoani mai a o tatou taumafai e mulimuli ia te Ia ma faia Lana galuega. Ona mafai lea ona tatou o atu i lo tatou ala ma le mautinoa ma, ioe, ma le lototetele. Aua foi, o le fuafuaga a le Tama Faalelagi o le “fuafuaga o le fiafia” (Alema 42:8, 16), ma o le mulimuli i poloaiga a le Alii o le ola ai “e tusa ma le ala o le fiafia” (2 Nifae 5:27).
E tusa lava pe amata ona faavaivaia i tatou e o tatou tofotofoga, afai tatou te mananao e mulimuli i le Alii, Na te uunaia i tatou ina ia lototetele. Ma Na te tuuina mai ia i tatou ni mafuaaga lelei.