Tuusao i le Mataupu

E faape’i le malo selesitila?

Mamalu i Tikeri, saunia e Annie Henrie

E ui atonu tatou te le o mauaina uma faamatalaga e uiga i le malo selesitila, ae ua faaalia mai e le Alii nisi o upumoni mamana e uiga i ai. O nisi nei o mea ua tatou iloa:

• O le ola ai iina o lona uiga o le nonofo i le afioaga o le Tama Faalelagi ma Iesu Keriso ma se tino toetu atoatoa ma ia ola i se olaga La te soifua ai. O lenei olaga o “se tulaga o le fiafia e le iu” (Mosaea 2:41) ma o se “atoatoaga o le olioli” (3 Nifae 28:10).

• O i latou o e ola ai iina na “faaatoatoaina e ala ia Iesu,” ma “o mea uma e a i latou ia” (Mataupu Faavae ma Feagaiga 76:59, 69).

• O loo i ai le mamalu silisili i soo se malo lava. O lona mamalu na faatusaina i le pupula o le la.

• O ituaiga o mafutaga o i ai iinei o le a i ai iina, e aofia ai sootaga faaleaiga, ae o le a “faatasia ma le mamalu e faavavau” (Mataupu Faavae ma Feagaiga 130:2).

• E tolu ona tikeri. O le tikeri aupito maualuga lava o le mea e nonofo faatasi ai tagata o e ua uma ona faamauina i le faaipoipoga e faavavau ma na faamaoni i a latou feagaiga (tagai Mataupu Faavae ma Feagaiga 131:1–4).

• O le a maua e le lalolagi se mamalu selesitila (tagai Mataupu Faavae ma Feagaiga 88:17–20).