Tū’ati

Orin S.

17, British Columbia, Canada

feiā ’āpī tamāroa

Hōho‘a nā Christina Smith

’Ua haere tō’u ’utuāfare i te hō’ē tere nā ni’a i te pahī ’e ’aita i ’ite i te fenua hau atu i te toru hepetoma. I muri a’e i nā hepetoma mātāmua e piti, ’ua fa’aruru mātou i te hō’ē vero pūai. ’Ua fati tō mātou mau ’ie i roto i te mata’i, ’e ’ua farara mai te ’are miti i ni’a i te pahī, ’e ’ua po’i roa te muara’a o te pahī. Hau roa atu i te reira, fātata ’aita tā mātou e pape inu fa’ahou—nō reira, mai te mea e ora mai mātou i te vero, e riro noa ā te reira ’ei ha’ape’ape’ara’a nā mātou.

’Ua ha’apu’e noa tō’u ’utuāfare i roto i te vāhi mārō ana’e e toe ra o te pahī ’e ’ua pure noa fātata hō’ē hora te maoro. ’Aita vau i ’ite ē, e ora ānei mātou i taua pō ra, terā rā, ’ua ’ite au ē, noa atu te ’ohipa e tupu mai, e vai noa vau i pīha’i iho i tō’u ’utuāfare nō te mea, ’ua tā’atihia mātou.

I te fa’aotira’a tā mātou pure, ’ua ’ite a’era mātou ē, ’ua marū te mata’i ’e ’ua fa’aea te are miti. ’Aita i maoro i muri iho, ’ua ha’amata a’era te ua i te topa, e ’ohipa varavara roa ho’i te reira i roto i taua tuha’a ra o te moana. ’Ua fa’a’ohipa mātou i te hō’ē ’ie nō te fa’a’ī i tā mātou mau fa’ari’i, ’e mai te hō’ē temeio, ’ua nava’i tā mātou pape nō te fa’aoti i tō mātou tere.

’Ua fa’a’ite mai taua ’ohipa ra iā’u i te pūai o te pure ’e i te aupurura’a rahi a te Metua i te ao ra ia mātou. ’Ia feruri fa’ahou ana’e au i taua vero ra, ’ua ’ite au ē, e parau mau ’e e mea mau te ’evanelia.

’A fa’a’ite i tō ’outou ’ā’amu ’e ’a tai’o i te mau ’ā’amu o te tahi atu feiā ’āpī i ni’a i te @StrivetoBe Instagram ’aore rā, ’a fa’a’ohipa i te tāpa’o StrivetoBe