I San Diego, fenua Marite

’Ia ora na ! ’O Chace B. tō’u i’oa e 14 tō’u matahiti, ’e tē ora nei au i San Diego. Tei te hope’a i apato’a nō te tuha’a fenua nō Califonia, fenua Marite ’o San Diego. E mea huru ta’a ’ē te fenua. I San Diego, tē vai ra te mau uahu, te mau mesa, te mau ’āfa’a, te mau canyons, ’e te mau ’aivi. E mea māhanahana roa ’e e hiti te mahana i te matahiti tā’āto’a.

Farereira’a i tō’u ’utuāfare

Tē ora nei tō’u ’utuāfare ’e ’o vau i roto i te mau mou’a nō San Diego. Tē ora nei au i pīha’i iho i tō’u māmā; tō’u tuahine 10 matahiti, ’o Payslie; ’e tō’u abuelito ’e abuelita (papa rū’au ’e mama rū’au). Tē ora nei mātou i roto i te hō’ē fare fa’a’apu e rave rahi ’ānimara. E tāmata mātou i te ora i te hō’ē orara’a ’ōhie ’e nō te tau tahito.

Fa’arirora’a i te ’ōro’a mo’a ’ei ’ohipa ta’a ’ē

I roto i te roara’a o te pu’e tau ’ōpanipanira’a nō te COVID-19, e nehenehe te sābati e riro ’ei ’ohipa tau’a ’ore ri’i i te fare, i ni’a i tō mātou mau pārahira’a marū ’e i roto i tō mātou mau ’ahu māhanahana. ’Ua hina’aro vau ’ia rave i te hō’ē ’ohipa nō te ha’apāpū ē, e mea ta’a ’ē te sābati. ’Ua fa’aoti a’era vau e hāmani nā tō’u ’utuāfare i tā mātou iho fa’ari’i ’ōro’a mo’a ’ei hō’ē o tā’u mau fā pae vārua nō te fa’anahora’a ’āpī a te mau tamari’i ’e te feiā ’āpī.

e taure’are’a i roto i te hō’ē vāhi ’ohipara’a

’A tahi, ’ua rave au i te hō’ē tāpū rā’au ’e ’ua pao i te mau ’āpo’o i ni’a i te ’āfara’a o te rā’au nō te mau hāpaina. I muri iho, ’ua nana’o vau i te hō’ē fa’ari’i i ni’a i te tahi ’āfara’a o te rā’au nō te faraoa. ’Ua tauturu mai tō’u abuelita iā’u ’ia hahu i te reira ’ia mānina maita’i a’e. I muri iho, ’ua tu’u māua i te hō’ē tāpe’ara’a ’e ’ua tū’ati i te rā’au.

e fa’ari’i ’ōro’a mo’a tei hāmanihia i te fare

I te sābati mātāmua, ’ua haere mātou e fa’aineine i te ’ōro’a ’e ’aita i ’itehia ia mātou te mau hāpaina e tano i roto i te mau ’āpo’o o te fa’ari’i. ’Ua ’imi mātou i te reira e rave rahi hora te maoro. I muri a’e, ’ua fa’aoti a’era vau ē, e hāpaina tano ’aore rā, e hāpaina tano ’ore, e rave iho ā mātou i te ’ōro’a mo’a. E’ita mātou e vaiiho i te reira ’ia tāpe’a ia mātou ’ia ha’amo’a i te mahana sābati.

I taua sābati ra, ’a rave ai mātou i te ’oōo’a mo’a, ’ua hau atu ïa te marū, te hina’aro mau ’e te tura. ’Ua ’oa’oa vau nō te ’ōpuara’a tā’u i ha’amau ’e tā’u i fa’aoti. ’Ua ’ite au ē, ’ua ’oa’oa tō’u Metua i te ao ra iā’u nō tā’u fā ’e te mau mā’itira’a nō te reira.