« Te ’ōrama », Nō te Pūai o te Feiā ’Āpī, Tiurai 2021, 16–17.
Mai, pe’e mai
Te ’ōrama
I muri a’e i te ’īritira’a i te Buka a Moromona, ’ua fa’aue mai te Fatu ia Iosepha ’ia hi’opo’a i te Bibilia.
’A tai’o ai ’oia i te Bibilia, ’ua fa’auruhia Iosepha nā te Fatu ’ia rave i te tahi mau tauira’a.
’Ua ani Iosepha i te mau pāpa’i parau ’ia tauturu iāna.
’Ua fa’ataimehia te ’ohipa i te taime ’a fa’aue ai te Fatu i te feiā mo’a ’ia haere i Ohio.
I muri a’e i te taera’a i Ohio, ’ua ha’amata fa’ahou Iosepha i tāna mau hi’opo’ara’a ma te tauturuhia e Sidney Rigdon ’ei pāpa’i parau.
« Tītauhia ia tātou ’ia rave fa’ahou i tā tātou ’ohipa i ni’a i te Bibilia ».
I te 16 nō Fepuare 1832, tē hi’opo’a ra Iosepha ’e o Sidney i te buka a Ioane i roto i te faufa’a ’āpī.
« … ’o rātou ’o tei rave i te maita’i, i roto i te ti’afa’ahoura’a o te ta’ata parauti’a; ’e ’o rātou ’o tei rave i te ’ino, i roto i te ti’afa’ahoura’a o te ta’ata parauti’a ’ore ra ».
« E aha te aura’a nō teie parau ? »
’Ua hiti mai ra te hō’ē ’ōrama fa’ahiahia i mua ia rāua.
’Ua ’ite atura rāua ia Iesu Mesia ’e i te Metua i te ao ra.
’Ua ha’api’i ato’a mai ra rāua ē, tē vai ra e toru bāsileia i te ao ra.
’Ua fa’a’itehia mai ia rāua ē, te feiā e fatu i te bāsileia tīrētiēra e ti’afa’ahou rātou nā mua.
« ’O rātou teie tei… ha’amaita’i-roa-hia nā roto ia Iesu ».
I te taime ’a hope ai te ’ōrama, ’ua māere roa rāua. ’Ua rohirohi roa Sidney.
« E ’ere Sidney i te mea mātau roa i terā huru, mai iā’u ».