Kiʻi Taimi Fiefiá

Taimi Paati Maze

ʻOku takitaha fie maʻu ʻe he kau tautehina ʻe toko tolu ko ʻení ke nau hū ki he koló ke tufa ha ngaahi tohi fakaafe ki he paati taʻu 90 ʻenau kui fefiné. Te ke lava ʻo tokoni ke nau kumi ʻa e foʻi hala ʻe tolu te nau aʻu ai ki he fale ʻato kulokula kotoa pē, kae ʻoua naʻa fetaulaki ha ongo tautehina ʻi he hala tatau?

Sivi ʻa Palesiteni Nalesoní

Vakai ki hoʻo maaka ʻi he sivi moʻoni pe hala ko ʻeni kau kia Palesiteni Lāsolo M. Nalesoní.

Moʻoni pe Hala?

1. Ke tokoni ki heʻene mātuʻá, ʻa ia ne ʻikai ke na mālohi ʻi he Siasí, ke na moʻui ʻaki ʻa e Lea ʻo e Potó, naʻá ne fahi ʻa e hina kava mālohi kotoa pē ʻa ʻene ongomātuʻá peá ne huaʻi hifo ia ʻo fakatafe ki tuʻa.

2. Ko ha toketā tafa ʻuto ia.

3. Naʻá ne tokoni ke faʻu ha mīsini mafu-maʻamaʻa.

4. Ko Palesiteni Nalesoni naʻá ne fakahoko ʻa e fuofua tafa mafu ʻi ʻIutaá.

5. ʻOkú ne maʻu ha ngaahi foha ʻe hiva mo ha ʻofefine ʻe taha.

6. ʻOkú ne leʻo lelei ʻaupito.

7. Naʻá ne fakahoko e tafa mafu ʻo ʻEletā Sipenisā W. Kimipolo, ʻa ia naʻá ne hoko kimui ko e Palesiteni ʻo e Siasí.

8. Naʻá ne melemo tuʻo taha ʻi ha fononga ʻaʻalo fakafāmili.

9. Naʻá ne fakaʻamu maʻu pē ke ako e founga ke sikii ai ʻi he sinoú, ka naʻe ʻikai ha taimi ke fai ai ia.

10. Makatuʻunga ʻi ha ongoongo ʻo e taú, naʻe ʻikai lava ʻa Palesiteni Nalesoni ʻo ngāue fakafaifekau taimi kakato.

Fanga Kiʻi Talanoa Fakakatá

ʻOku ou kei pehē pē ʻoku fuʻu vave ke fai ʻa e ako folofola fakafāmilí!

Kēvini Pekisitoloma

Naʻá ku fakakaukau ko ha mofuike pe ko ha pea, pe ko ha meʻa kuo hū ki fale! Ko e hā naʻe ʻikai te ke fakaulo ai ha māmá?

Naʻe ʻikai ke u loto ke ʻā ha taha.

Val Chadwick Bagley

Ngaahi Talí

Sivi ʻa Palesiteni Nalesoní 1. Moʻoni; 2. Hala—Ko ha toketā tafa mafu ia; 3. Moʻoni; 4. Moʻoni; 5 Hala—ko e ngaahi ʻofefine ʻe toko hiva mo e foha ʻe toko taha! 6. Moʻoni; 7. Moʻoni; 8. Moʻoni; 9. Hala—kuó ne sikī ʻi he sinoú ʻi he kotoa ʻene moʻuí; 10. Moʻoni