“O Se Meaalofa mai se Perofeta,” Mo Le Malosi o le Autalavou, Tes. 2021.
O Se Meaalofa mai se Perofeta
Sa ia Peresitene Heber J. Grant (1856–1945) se loto agamalu. Sa fiafia o ia e tuuina atu tupe ma meaalofa i tagata na sili ona latou moomia.
Sa faafaigaluega e Peresitene Grant se tagata e taina faamatalaga i lona ofisa, e ui lava sa na o le tasi lona lima na faaaoga.
Sa matitiva o ia ma lona toalua, ma sa ia matua manaomia lava le galuega.
Faatasi ai ma le latalata mai o le Kerisimasi, sa manao Peresitene Grant e fai se mea sili atu mo le tagata e taina faamatalaga ma lona aiga.
Sa alu o ia i le fale ma faapotopoto lana fanau.
“Ua lata ona oo mai le Kerisimasi, ma ou te manao e faamanuia isi i le ala ua faamanuiaina ai i tatou e le Alii.”
“Manatua le ala na ou avatu ai ia te outou taitasi tupe mo le Kerisimasi i le tausaga ua te‘a?”
“Ta’u mai ia te a’u le telē o le tupe e te manao ai mo le Kerisimasi i lenei tausaga, ma o le a ou tuuina atu le aofaiga lava lea e tasi i la‘u tagata ta faamatalaga!”
I le taeao o le Kerisimasi, sa alu atu ai Peresitene Grant i le fale o lana tagata faigaluega ta faamatalaga.
Sa ia tuuina atu i lona aiga se pīpī mo le taumafataga o le Kerisimasi, ma tuu atu ia i latou ni nai ta’i selau tala e fesoasoani ai e totogi lo latou fale.
O se aso fiafia mo le aiga o loo tauivi, ma sa faasoa mai e Peresitene Grant ma lana fanau lo latou fiafia.