Taimi Fiafia

Gaoioiga o Mataupu Faavae o le Faatuatua

Ata na tusia e Josh Talbot

O lenei taaloga o se auala sili lea e fesoasoani e manatua ai Mataupu Faavae o le Faatuatua. Ua na o se faafefiloi sa’o foi o tauvaga faaleuo, mea malie, ma taliega.

Ioe, afai e te manumalo, e te maua aia e te tala mitamita ai mo le taimi atoa o totoe o lou olaga. Pe seia oo i le isi au gaoioiga a le autalavou po o le aiga.

O le auala lenei e taaalo ai.

1. Vaevae lau vaega i ni kulupu se lua pe sili atu.

2. Tuu se ituaiga o ato i luga o le palapala mo ‘au taitasi. O se pesini, kalone lapisi, po o se lua e eli i le eleele o le a lelei foi.

3. Tusi se laina i luga o le eleele ia mamao ese mai ato e tuuina atu ai se lu‘i.

4. Tuu atu i vaega taitasi ni meafaitino laiti e 13 ua faanumeraina e togi i totonu o ato. E pito sili ona faigofie fasipepa e mafai ona latou tusia ai se numera i luga ma nunumi ia avea o se polo. Pe atonu foi o ni maa po o ni fasilaau. Tau lava o le tusi, tusi se ata, pe vali numera 1 e oo i le 13 i luga o mea faitino.

5. Tuu atu i se tagata e faitau ni faamatalaga mai se tasi o Mataupu Faavae o le Faatuatua. O le taimi lava e manatu ai se ’au ua latou iloa le Mataupu Faavae o le Faatuatua e faatatau i ai, latou te taumafai e togi atu lena aitema ua faanumeraina i le ato. Afai e misi, e tatau ona latou taufetuli ma aumai le mea faitino ma toe foi i le laina a o le’i toe taumafai e togi.

6. O le taimi lava e fai ai e se ‘au se ato, taofi le taaloga.

7. Afai e sa‘o ona faailoa mai e lena vaega le Mataupu Faavae o le Faatuatua, latou te taulotoina faatasi ma maua se ’ai. Afai e sese i latou, o le a leai sa latou ’ai ae faaauau pea le taamilosaga.

8. Auaua’i i le faataamiloina o tagata o le vaega o e taumafai e togi mea faitino i totonu o ato. E mafai foi ona e taumafai e fesiitai faalatalata pe taumamao foi ia ato mai le laina (ia tutusa le mamao e tasi mo ‘au taitasi) e sui ai le tulaga faigata.

9. O le ’au muamua e oo atu i le 13 ai o le a manumalo!

Tagai i le Laau

O lenei laau e tele ona meateuteu, ae na o le lua e tutusa lelei lava le tasi ma le isi. Sue ia meateuteu tutusa e lua, ona sue lea o se tootoo a se leoleo mamoe, ni mamoe e lua, se lupe, fetu e lima, ma ni moligao se lima.

Komi

E le’i tuuina atu lava e Père Noël se tapulaa i le tetele o seevae o le a ia faatumuina i meaai ma meaalofa!

Josh Talbot

Rudolph! O le a la‘u tala e uiga i le faia o feau feavea’i a o lele?

Arie Van De Graaff