“O loo talanoa mai le folafolaga i le aiga e uiga i matafaioi o tama ma tina, ae faapefea atalii ma afafine?,” Mo le Malosi o le Autalavou, Tes. 2021.
Tuusao i le Mataupu
O loo talanoa mai le folafolaga i le aiga e uiga i matafaioi o tama ma tina, ae faapefea atalii ma afafine?
Atapue mai le Getty Images
O lau matafaioi i lou aiga o se atalii po o se afafine e taua, ae o le a tonu lava?
E na o le: “Ia e ava i lou tama ma lou tina” (Esoto 20:12)? Ia, o se poloaiga taua lena e tausia. O lona uiga o le usiusitai, faaaloalo, ma le mulimuli i faataitaiga amiotonu a matua. O le faaaloalo ia i latou e aumaia ai le faaaloalo ia te oe. O le a e tuputupu a’e i le poto, poto masani, ma uiga ta’uleleia. Ma ua folafola mai e le Alii ia te oe faamanuiaga i le olaga atoa pe afai e te faia.
Ae o le taua o lenei mea, e le tatau ona e mafaufau e na o le pau lea o lau matafaioi i le aiga.
E mafai ma e tatau ona avea oe ma se faatosinaga mo le lelei i lou aiga. E mafai foi ona e faia se faataitaiga amiotonu—i nai ou tei ma atonu foi i ou matua. E mafai ona avea oe o se faatupu filemu. E mafai ona ou tausia le Aso Sapati ia paia. E mafai ona e suesue ma le naunautai i tusitusiga paia. E mafai ona e faia ma le loto i ai feau na talosagaina oe e fai—pe e oo lava i feau e le’i talosagaina oe e fai.
Ma o se tasi o au galuega autu i lou aiga o le a’oa’o ma tuputupu a’e ma taumafai ia avea oe ma tagata sili e mafai ona avea ai oe.