“Semata,” Me iSakisaki ni iTabagone, Janu 2022, loma ni waqana e liu.
Semata
Viviena K.
17, Toga
Vakatekivu mai na gauna au a tiko kina ena Lalai, au dau vinakata meu daukaulotu. Ia niu sa yabaki tinikarua, au sa yalolailai mai. Na qaseti tu ni veiqaravi vakaulotu sa vaka me yawa sara vei au. Au lomaleqataka niu na rawai ena veitemaki. Au nanuma meu sa bulataka ga na noqu bula me vaka au vinakata ka sega ni lomaleqataka na vakavakarau.
Ia niu sa vosa vei rau na noqu itubutubu me baleta na laki kaulotu, rau a vakayaloqaqataki au. Rau kaya vei au ni na dau tovolea tu ga o Setani me temaki au niu cakava tiko e dua na ka vinaka vua na Tamaqu Vakalomalagi. Au a masulaka na veidusimaki, ka vakila ni vakadeitaka na Tamada Vakalomalagi ni na tiko vata kei au o Koya e veisiga.
E dina ga niu a sotava na veitemaki kei na veivakatovolei, sa kaukauwa na noqu vakabauta. Au kila keu sa vakarau oqo, ena vuku i Jisu Karisito, sa rawa niu dua na daukaulotu kau dau vinakata tu. Ena dredre beka, ia au kila ni na tiko vata kei au na Kalou ena veika kece au cakava.