“A buli vakacava na vuravura?,” Me iSakisaki ni iTabagone, Janu. 2022.
Ki na Utona
A buli vakacava na vuravura?
“Enai vakatekivu sa bulia na lomalagi kei vuravura na Kalou” (iVakatekivu 1:1). Ia, a cakava vakacava o Koya? Oqo e vica na ka eda kila:
A bulia na vuravura o Jisu Karisito. A dusimaka na Tamada Vakalomalagi na cakacaka ni Veibuli; A vakayacora o Jisu Karisito ena kaukauwa ni matabete. “Mai vua na noqu Le Duabau Ga au sa bulia … na vuravura” (Mosese 2:1).
A tauyavutaki na vuravura mai na veigacagaca sa tu rawa, sega ni buli mai na ka walega. “Meda kauta yani na veika kece ka bulia na vuravura” (Eparaama 3:24).
A yaco na Veibuli ena ono na iwasewase. A yaco na ka eso ena iwase yadua ni Veibuli. Me vakataka, nodra basika na kau ena dua, veibulibuli ni wasaliwa kei na manumanu vuka ena dua tale, na manumanu kei na tamata ena so tale na wasewase.
Sa tawamacala tu na levu ni gauna ni veiwase ni Veibuli. Eso na gauna e vakatoka na ivolanikalou na iwasewase me “siga,” ia e sega ni kena ibalebale oqori me 24 na auwa ni siga yadua. E dua na itukutuku e tukuna na “gauna” (raica na Eparaama 4). Eda sega ni kila na kedra balavu.
Na noda taro me baleta na Veibuli ena qai saumi ga mai. “Ena siga ko ya ni sa lako mai na Turaga, ena mai vakatakila na ka kecega—na veika … sa baleta na vuravura, ka a buli kina” (Vunau kei na Veiyalayalati 101:32–33).