“Ni Ra sa Noqu kau Kilai Ira”

Mai vei Matthew C. Godfrey

Mekasini ni Lotu

iVakatakilakila

maliwai ira na tamata na goneyalewa

iTaba mai na Getty Images

O sa bau yalolailai tu? O na rairai vakila na veika oqo ni o vakasamataka tiko e vica na tamata e vuravura se raica na levu ni kalokalo era tu e lomalagi. O sa bau vakasamataka mada ke kilai iko dina na Kalou kei na ituvaki ni nomu bula? Kevaka e vakakina, sa tiko vei Mosese e dua na nomu itukutuku.

Ena raivotu, a vakaraitaka na Kalou vei Mosese na ituvaki kecega ni vuravura kei ira kece na tamata era na bula ekea. Era sa “sega ni wiliki rawa me vaka na nuku ni matasawa” (Mosese 1:28). A qai kaya na Kalou vei Mosese ni sa bulia o Koya “e vuqa na vuravura sa sega ni wiliki rawa” (Mosese 1:33)—ni Nona veibuli sa yacova yani na taudaku ni vuravura oqo.

E rairai luvuci beka o Mosese ni sa raica na veika kece oqo. E a rairai vakananuma beka: Evei au oka kina ena loma ni veika buli kece oqo? Ka na rawa vakacava vua na Kalou me kila vinaka tu na veika e vuqa oqo?

A rawarawa ni sauma na Kalou: “Na veika kece oqo au sa kilai ira.” E Caka Vakacava? “Ni ra sa noqu kau kilai ira” (Mosese 1:35). E kila na Kalou o cei o Mosese, me vaka sa kilai ira kece na Luvena, ka vakakina na Nona ibulibuli kecega. O ira kece oqo sa Nona—na kalokalo, na nuku, ka vakauasivi o ira na Luvena e vuravura. Sai ira oqo na vuna taucoko a bulia kina o Koya na vuravura. Na nodra vakabulai tawamudu sa cakacaka bibi duadua ni Kalou.

“Ia raica, oqo na noqu cakacaka kei na noqu lagilagi—meu vakavuna na tawa mate rawa kei na bula tawamudu ni tamata” (Mosese 1:39).

Me vaka ga a vulica o Mosese na vanua e oka kina ena ituvatuva ni Kalou, sa rawa talega ni o vakadeitaka ni kilai iko tu na Kalou! Na nomu vukei ni lesu tale ki Vua e sa Nona cakacaka kei na lagilagi. Cava na vuna? Baleta ni o sa Nona. Ka sega na ka e vakuwai kina na ka oqo!