“Fesootai,” Mo le Malosi o le Autalavou, Ian. 2022, totonu o le faavaa pito i luma.
Fesootai
Viviena K.
17, Toga
Talu lava ona ou i ai i le Peraimeri, sa ou manao lava e avea ma se faifeautalai. Ae ina ua sefululua o‘u tausaga, sa oo ina ou lotovaivai. O le lava o le matua e auauna atu ai i se misiona na foliga mai ua matua mamao lava ia te au. Sa ou popole nei ou pau atu i faaosoosoga. Sa ou manatu e sili ai lo‘u ola i soo se ituaiga olaga ou te manao ai, ae aua le popole e sauniuni.
Ae ina ua ou talanoa atu i o‘u matua e uiga i le auauna atu i se misiona, sa la faamalosiau mai ia te a’u. Sa laua fai mai ia te au, o le a taumafai pea Satani e faaosooso au pe a ou faia se mea lelei mo lou Tama Faalelagi. Sa ou tatalo mo le taitaiga, ma sa ou lagonaina le faamautinoa mai e le Tama Faalelagi o le a Ia faatasi ma au i aso uma.
E ui lava ina sa ou feagai ma faaosoosoga ma tofotofoga, ae e malosi lava lou faatuatua. Ou te iloa afai ou te saunia i le taimi nei, e ala atu ia Iesu Keriso, e mafai ai ona avea au ma se faifeautalai e pei ona sa ou manao ai i taimi uma. Atonu e faigata, ae ou te iloa o le a faatasi le Atua ma au i mea uma ou te faia.