“O La Tatou Taiala i le Upumoni,” Mo le Malosi o le Autalavou, Ian. 2022.
UpuFaaiu
O La Tatou Taiala i le Upumoni
From an lauga o le konafesi aoao ia Oketopa 2004.
Ata na tusia e Emily Davis
Mai lou tulaga i le ala o le olaga, e tele maila e te alu ai ma le tele o filifiliga e fai a o e saili e toe foi atu i lo tatou Tama Faalelagi. I luga o le auala e tele faailo o loo talotalo mai. O Satani o le tusitala lea o nisi o nei valaaulia. E taumafai o ia e faafenumiai ma faasese i tatou, e avatu i tatou i se auala maualalo lea e tatai ese ai mai lo tatou taunuugae faavavau.
Ou te fia faasoa atu le ala e mafai ona e aloese ai mai le faaseseina. Muamua, ua aoaoina oe i le amiotonu ma faamautinoa atu i lona moni, ia tumau ai. Pipiimau i tusitusiga paia, o ona aoaoga e puipuia ai i tatou mai le leaga. Lona lua, e le lava le mauaina o le upumoni. E tatau foi ona tatou ave “le Agaga Paia mo o [tatou] taiala” ma “lei faaseseina” (Mataupu Faavae ma Feagaiga 45:57).
E faapefea ona tatou ave le Agaga Paia ma o tatou taiala? E tatau ona tatou salamo i a tatou agasala ma faafou a tatou feagaiga e ala i le aai ma feinu i le faamanatuga i vaiaso taitasi ma lima mama ma se loto mama. E na o le pau lea o le ala e mafai ai ona tatou maua le folafolaga paia, o le a tatou “maua pea lona Agaga e faatasi ma i [tatou]” (Mataupu Faavae ma Feagaiga 20:77). O lena Agaga o le Agaga Paia, o lana misiona o le molimau mai lea i le Tama ma le Alo, e aoao i tatou, ma taiala i tatou i le upumoni.