“Na faapefea ona foafoaina le lalolagi?,” Mo le Malosi o le Autalavou, Ian. 2022.
Tuusao i le Mataupu
Na faapefea ona foafoaina le lalolagi?
“Na faia e le Atua le lagi ma le lalolagi i le amataga” (Kenese 1:1). Na faapefea la ona Ia faia? O ni nai mea nei ua tatou iloa:
O Iesu Keriso sa foafoaina le lalolagi. O le Tama Faalelagi sa taitaia le galuega o le Foafoaga; sa faatinoina e Iesu Keriso e ala i le mana o le perisitua. “O la‘u Toatasi na Fanaua na Ou foafoaina ai … le lalolagi” (Mose 2:1).
Sa faatulagaina le lalolagi mai elemene sa i ai, sa lei foafoaina mai i le leai o se mea. “O le a tatou ave mai nei mea, ma o le a tatou faia se lalolagi e nonofo ai i latou nei;” (Aperaamo 3:24).
E tolu vaega na faia ai le Foafoaga. E i ai ni mea patino na tutupu i vaega taitasi o le Foafoaga. Mo se faataitaiga, na oo mai laau i le tasi, o meaola o le sami ma manufelelei i se isi, o manu ma tagata i isi vaega.
O vaega o le Foafoaga na alu ai se taimi tele e le i mailoa. O nisi taimi e ta‘ua ai e tusitusiga paia ia vaega o “aso,” ae e le faapea ai la o aso e 24-itula. O se tasi tala o loo talanoa e uiga i “taimi” (tagai Aperaamo 4). Tatou te le o iloa o latou umi.
Ae o le a iu ina taliina a tatou fesili e uiga i le Foafoaga. “I lena aso pe a afio mai le Alii, o le a faaali mai e ia mea uma—mea … o le lalolagi, o mea na faia ai” (Mataupu Faavae ma Feagaiga 101:32–33).