“Fesootai,” Mo le Malosi o le Autalavou, Iuni 2022.
Fesootai
Varvara C. ma Ivanna V.,
16 ma le 15, Iukureini
Ata na tuuina mai e le aiga
Talofa! O i maua o le auuso mai Iukureini. I le na o le pau lea o tagata o le Ekalesia i la matou aoga, e tele avanoa ma te maua e valaaulia ai uo i gaoioiga a le Ekalesia ma aoao i latou e uiga i o tatou tulaga faatonuina. Ma te fiafia uma e sisiva, ae o nisi taimi e fai ai faataitaiga a le matou vaega o siva faaleaganuu i Aso Sa. A ma’ua faamalamalama atu i a ma uo ma te lē auai i faataitaiga i Aso Sa ona o le lotu, latou te fai mai ni fesili ia i ma’ua.
Varvara: Afai e leaga lou aso, e mafai ona e faitauina le Tusi a Mamona ma maua ai le fesoasoani. I se tasi taimi a o ou faitau, sa ou maua ai se mau lea na pei uma lava o lo‘u aso ma lo’u tulaga tonu lava. Ou te fiafia i lagona ma le siosiomaga i le lotu. Ou te fiafia foi e usu i viiga aua e fesoasoani ou te lagona ai le Agaga.
Ivanna: Ou te lē mafaufau i poloaiga o ni mea faasāsā pe faigata. Nai lo lena, ou te vaai i faamanuiaga e maua mai ia i latou, aemaise lava o le Upu o le Poto. I Iukureini, o le toatele o talavou e inu ava malosi. Ou te faigaluega i se fale o solofanua, ma a ofo mai e usoafaigaluega ia te a‘u le ava malosi, ou te fai atu ia i latou ou te lē inu pia. O lenei mea e leʻi faʻaitiitia ai lo latou manatu ia te aʻu. Sa ou tu mausali i lo‘u tulaga ma ou te lei pa‘ū atu i faaosoosoga. Ou te iloa e le o tuua na‘o a‘u. E lagolago a‘u e le Tama Faalelagi i soo se taimi lava e i ai ni o’u faafitauli.