“Ou te lē tagi pe a ou lagonaina le Agaga. E i ai se mea o faaletonu?,“ Mo le Malosi o le Autalavou, Iuni 2022.
Tuusao i le Mataupu
Ou te lē tagi pe a ou lagonaina le Agaga. E i ai se mea o faaletonu ia te a’u?
O le tagi e lē na o le pau lea o le tali atu i le lagonaina o le Agaga o le Atua. E le o se faailoga masani foi o le i ai o le Agaga.
Sa saunoa mai i se tasi o taimi ia Peresitene Howard W. Hunter (1907–95): “Ou te popole pe a foliga mai e faatusa lena lagona malosi po o le maligi gofie o loimata o le faatasi mai o le Agaga. E moni lava, e mafai e le Agaga o le Alii ona aumaia lagona malolosi, e aofia ai loimata, ae o le faaaliga i fafo e lē tatau ona fenumiai ma le i ai o le Agaga lava ia.(i le Talai Lau Talalelei: O Se Taiala Mo Faifeautalai Auauna Atu [2019], 105).
E tele auala e iloa ai le Agaga Paia. Atonu e te lagonaina le fiafia ma le toafimalie. Atonu e i ai sou mafaufau manino ma ni mafaufauga musuia. Pe atonu foi e te lagonaina ni lagona lelei e pei o le alofa, olioli, agamalu, onosai, po o le na o le manao e fai mea lelei. (Tagai Mataupu Faavae ma Feagaiga 6:15, 23; 8:2; 11:12–14; Kalatia 5:22–23; Moronae 7:13.) Afai o e aafia i nei ituaiga o mea, e mafai ona e mautinoa o loo e lagonaina le Agaga. O lagona malolosi e ono maligi ai ou loimata, ae e lē tatau ona e mafaufau o le auala sili lea ona mautinoa pe sili e iloa ai le Agaga.