“Ko na Beku ma Nanom ni Kabane ao Kimwareirei,” Ibukin Kakorakoraia Kairake, Turai 2022.
Ko na Beku ma Nanom ni Kabane ao Kimwareirei
Ngke e kaoti kainanoan te mwakuri n ibuobuoki n te Tabo ni Kawakin Amwarake i Mexico, teniman ataeinnaine (n ikotaki ma ngai), temanna te ataeinimwaane man ara kurubu n roronrikirake, ao 10 aomata riki tabeman a baireia bwa a na mwakuriia.
N te moan tai, akea au iango bwa tera ae ti nang karaoia. Ma n te tai ae waekoa ao aomata ake a mena n te tabo ni kawakin amwarake a kabwarabwara bwa ti na kaokoroi amwarake ake a kai buakaka ao ake aki nakon bwaeki ni boobwai ni karaoi bwa bakete n amwarake ibukiia aomata ake a rangi ni kainanoia. A tibwatibwai beku iaora kaain ara kurubu, ao imwiina ti a moanna ni baekinii amwarake. E baiti ara mwakuri n ara tiim ao ni booti ni kabane e raka iaon 500 taian baeki n amwarake!
Man te taneiai aei I reiakinaki bwa e ngae ngke e aki rang mwaiti kaubwaira i bon ibukira, ti boni kona ni buokiia aomata ae karako ae reke irouia. Teutana imwiin teutana, ti bane ni kona n ibuobuoki ni kawai aika a kakaokoro. I ataia bwa ti kakabwaiaaki ngkana ti karaoa ara mwakuri n ibuobuoki.
I rangi ni unga n mwakuri n te tabo ni kawakin amwarake. Ngkana arona bwa I a manga anganaki riki te tibwanga bwa N na karaoia, eang N na bon karaoia! E rangi n tikiraoi ngkai ti kona ni buokiia tabeman. Ngkana ko anganaki te tibwanga bwa ko na mwakuri, karaoia! Ao karaoia ma nanom ni kabane ao kimwareirei.
E maeka te tia korokaraki n te Kaawa ae bubura, Mexico.