“Bukin tera ngkai akea n aron ake inanon booki aika tabu?” Ibukin Kakorakoraia Kairake, Turai 2022.
Nakon Raoi te Iango
Bukin tera ngkai akea kakai n aron ake inanon booki aika tabu?
Ni booki aika a tabu ao a mwaiti rongorongon taian kakai inanona. Tabeua a bon bubura man kakaongora, n aron bwenauaan taari ae uraura ke kautan te aomata man te mate. Ma e kanga aron te bong aei? A bon riki naba taian kakai?
Eng, a bon riki. Tao ti aki kona n ongo n taainako rongorongoia, ma a bon teimatoa naba n riki taian kakai ni maiuia aomata ni katoa tai.
E taku Unimwaane Ronald A. Rasband man te Kooram n Abotoro n te Tengaun ma Uoman: “Angiina mai buakomi kam a tia ni koauai taian kakai, nakon riki ae kam ataia. A taraa ni uarerekel. … Ma buburana e aki kaota te kakai, ma e bon tii roko mairoun te Atua” (Eberi 2021 maungatabu ni kabuta [Riaona, Meei 2021, 110]).
Buoka nako ake a roko mairoun te Atua a aranaki bwa te kakai. Angiina aomata a tia n rinanon taian kakai. Aomata akanne n tabetai a tibwauai aia karaki, ma n angin te tai a katabui ni kawakin—i bon imarenaia ao te Atua.
Ao uring uoua bwaai aika a kakawaki n taekan taian kakai: (1) a roko taian kakai tii ngkana iai aia onimaki aomata, ao (2) a riki taian kakai nakon ana kantaninga te Uea ao n ana tai. Ti naaki konaa n rineia bwa e kanga ke nningai, ma ana kakai te Uea a bon riki, ni boong naba aikai. Ao nakoim naba.