“Tabeua Bwaai Aika Rianako,” Ibukin Kakorakoraia Kairake, Turai 2022.
Nakomai, Iriirai
Tabeua Bwaai Aika a Rianako
E otinako bwa bwaai aika a uarereke man tau bon bwaai aika a raka aroia.
Ti a kangai bwa iai kaangaangan marurungim ae e aki kona n toki. Iai temanna ae tuangko taekan te mwaane ae e kona ni kamarurungko. E maeka n te tabo ae e raroa nako, ma kona koroboki nakoina ao imwiina ko toua kawaim n te aro bwa ko na konaa n nooria ao n ongo te bwai are ena taekinna.
Ngkana ko roko n ana auti, e na otinako ana tia ibuobuoki ao n taekinna bwa e taku ana bwaoti bwa na nako n tebotebo n te karaanga ae kaan.
E tannako te tia ibuobuoki, ao ko a tiku ma namakinan te nanokawaki. Ko iango, “I mwananga ti ibukin anne?”
Te bwai ae Kaantaningaaki
Aei te bwai ae e riki nakon Naaman. Te Kaaben mai Aturia—te aomata ae e rangi ni karineaki ma ana mwakuri aika a mwaiti. Ma iai irouna te rebera, aorakin te kun ae e kakamaaku.
E ngae ngke tiaki kaain Iteraera, e a tia n ongo taekan te burabeti ae Eritiai iroun te ataeinnaine ae te toro ae ainen Iteraera. Naaman e onimakina ana kakoaua neiei ibukin taekan Eritai ao Atuaia Iteraera. Ngaia are e nako n noora Eriitai. Ngke e roko Naaman ni mwenangan Eritai, e kanakoa te tia uarongorongo Eritai are e tuanga Naaman bwa e na tebokia n te karanga are Ioretan itiua te tai bwa e na kamaiuaki.
Korobanna ni kamatata iroun Corey Egbert
E un naaman. E a tia n iangoia bwa e na kaaitibo ma Eritai ao bwa Eritai e na katoka baina iaon te tabo are e aoraki, ni wetea te Atua ao ni kamarurungnga ma te mwaaka. E roko iangoan ae iai riki karaanga aika a tamaroa ni mwenanga are e kona n tebokia iai.
E a tia Naaman ni katea ana katautau. E katautaua Eritai bwa e na roko ao n nooria. E kona n riki aio ibukina bwa Naaman iai nakoana ae e rietata ao e a taneiai n ae e anganganaki karineakina. E kantaninga katokan ana kangaanga ae kamiimi man kakubanako nakon are e anganaki. Tao e riki aio ibukin karaki ake e a tia n ongo n taekan Eritai. Ngaia are ana atatai aio e karikia bwa e na un.
Nanorinano
Ma rongorongon Naaman e aki toki ikekei. Temanna ana toro e anganna te reirei ae moan te tamaroa:
“Ngke tao e tuangko te burabeti bwa ko na karaoa te bwai teuana ae abwabwaki, ao kona bon karaoia? ao ai batira riki riaina , ngkai e kangai nakoim, Ko na tebotebo, ao ko na itiaki?” (2 Uea 5:13).
E kunea Naaman bwa e eti te toro. Ngke arona bwa e a tia n tua te burabeti bwa e na karaoa te bwai teuana ae e bubura, e na riai n tia ni karaoia. Ma ngaia are bukin tera ko aki karaoa te bwai ae e bebete? E kananorinanoa. E tebokia itiua te tai n te karanga are Ioretan ao e kamaiuaki.
Bwaai Aika Uarereke Man Aki Kaangaanga
N taai tabetai e na kona te Uea n tuanga te aomata bwa e na karaoi “tabeua bwaai aika a rianako” Ma tiaki anne raoi aron te Uea ni mwakuri. N angiin te tai e kabonganai ”bwaai aika a uarereke man aki kaangaanga” ni kakoroi bukin “bwaai aika a bubura” inanon maiura (Aramwa 37:6).
N tabetai are ti kantaningai ke ara kainikatonga a na kona n anganiira te iango bwa a na kawai te Uea e rangi ni bebete ke ni uarereke ibukin ara tai (tara 1 Nibwaai 17:40–41). Ma e kona te Uea ni katokanikaira iaon namakin aikai ao ni kananorinanoira. E tangiriira ao e kan kakabwaiaira ao ni buokiira n riki n ai Arona (taraa Mote 1:39).
Aikai tabeua katotoon bwaai aika a uarereke man aki kaangaanga are e tuangiira te Uea bwa ti na karaoi ni kaniira Nakoina ao ni butimwaai Ana kakabwaia.
-
Tataro ao wareki booki aika tabu ni katoa bong (taraa 2 Nibwaai 32:3, 9).
-
Ngkana ko a tia ni kaairua, raira nanom (taraa Reirei ao Berita aika Tabu 1:31–32).
-
Irira te taromauri ao butimwaea te toa ni katoa wiiki (taraa Moronaai 6:5–6).
-
Kabwaka am kabwianibwai (taraa Maraki 3:8–10).
-
Ira Tuan te Mauri (taraa Reirei ao Berita aika Tabu 89).
-
Bwaina te kokoaua (taraa Reirei ao Berita aika Tabu 51:9).
-
Bwaina te akoi (taraa I-Ebeto 4:32).
-
Beku Ibukiia Tabeman (taraa Mataio 25:34–40).
Ko kona ni iangoi riki aika a mwaiti.
Ma ngaia are ngkana ko boo ma te bwai ae e uarereke man aki kaangaanga, anga nanom nako iai. E na kona n ae te kaetieti Ibukin Kakorakoraia Kairake te boki ae uarereke, tabeua taeka n reirei n te maroro n te maungatabu, ke te bwai teuana e a tuangko am bitiobi bwa ko na karaoia. Bwa tao terana, uringa Naaman ao an ti karaoia naba. E na taraa n uarereke, ma e na korakora te kakabwaia.