“Katauraoi ibukin Berita aika Tabu n te Tembora,” Ibukin Kakorakoraia Kairake, Turai 2022.
Te Boto n Iango ao Ngai
Kairake a tibwaua aroia ni maiuakin taeka n aia Boto n Iango Ataeinaine ao te Kooram n te Nakoanibonga ae te Aaron
Katauraoi ibukin Berita aika Tabu n te Tembora
“N na … karaoi ao ni kawakin berita aika tabu, ao ni karekei otenanti, ao kakabwaia man te tembora ae tabu.”
Tamnei man Temple Crowd Sourcing, sky man Getty Images
I kan nanako n te tembora! Te kakaitau nakon te tembora, bwa e konaa n iai au utu ae akea tokina, ibuobuoki n ikoikota Iteraera, ao ni karekei wirikiriki n tamnei ao te raunnano.
Ngke a mwaing au utu nakon ara auti ae boou, I kakaitau bwa e rangi ni kaan ma te tembora. E rokoraoi taraakin te tembora irou man wintoon au ruu. Ni katoa bong ngkana I noora te tembora, I kauringaki bwa nna kakatauraoai ni karaoi berita aika akea tokiia.
E rangi ni kakawaki aron te katauraoi ibukin berita ake ko karaoi inanon te tembora ao ni buokiia aomata ake a mena riaon te rabuna ni karaoi naba berita akanne. I a tia ni kaman wawareka taekan te tembora ao ni kataia ni katauraoai nakon are I konaa bwa I aonga ni konaa ni karaoi riki berita aika tabu. E a bon tibwa karekea naba ana entaumente mwaneu, ao bon te bwai ae onoti ibukina. N noorakina ngkai e rangi ni kukurei e karika atakina irou ae I tangiri kakabwaia naba akanne!
Ma e boni ngae ngke iai te tembora ae bon mena itinanikun au wintoo, I aki tangiria bwa N na aki bakataeia. Ngaia are I a kataia ni maiuakina te kawai n te aro ae nna tau n taainako n nanako n te tembora.
Ngke e a kainaki te tembora n tain te buti n aoraki aei, iai au onimaki bwa e na aki maan ni kainaki. Imwiina e reke au tai n kawara te tembora te moan tai , ao bon te kakukurei ae okoro namakinana. I nako n nano teutana ibukina bwa I bon tuai roko ikekei n te tai ae maan. Ma n te tai are I rinnako iai inanona, I namakinna ae kanga Ngai boni kaaina. I n namakina te Tamnei.
Iai au kakoaua ae moan te korakora ibukin taabo aika a tabu. ao I a bon aki kona n tataninga ni kan karaoi riki berita aika tabu ma Tamau are i Karawa.
E maeka te tia korokaraki i Idaho, USA.