Te Boto n Iango ao Ngai

Kairake a tibwaua aroia ni maiuakin taeka n aia Boto n Iango Ataeinaine ao te Kooram n te Nakoanibonga ae te Aaron

I Ataia N na Manga Nooria Riki

“N na bon tau ni karekei kakabwaia man te tembora ao te kukurei ae e reitinako n te euangkerio.”

Iroun Joshua Llamas

te ataeinimwaane

I ataia bwa te Uea e anganiira ara utu bwa ti aonga n ibuobuoki ni kakorakoraira ao ni boutokaira imarenara. Te Uea e anganiira naba ara utu bwa ti aonga n aki maroaa. Ma ngke e mate tamau, I namakina te maroaa ae korakora. Ngai ma tamau ti rangi n atai arora, ao e bua mairou bannana anne ngkoe mate. I namakinna bwa te bwai ae kanga I kona ni karaoia bon tii te tang.

Ma te tairiki teuana, I baireia bwa n na tataro. Inanou ao I namakina te Tamnei e tuangai bwa I aki maroaa. I ataa te babaire ni kamaiu. Ibukin ana Mwakuri ni Kamaiu Iesu Kristo, N na manga noora riki tamau. Te atatai are utu a kona n ikotaki n aki toki e bon rangi ni kakawaki irou. Ao I ataia bwa ti kona n riki bwa te utu ae akea tokina ibukina bwa a tia ni kabaeaki au karo inanon te tembora.

Ngke e koro 12 au ririki, I baireia bwa n na nako n te tembora ni karaoa te bwabetito ibukiia mate te moan tai. Ma a kainaki taian tembora ni kaineti ma te buti n aoraki. I rangi ni kakantaninga te rin inanon te tembora te moan tai bwa n na namakina te kimwareirei ikekei.

Ngke e kabaeaki tariu nakon buuna, I tiku itinanikun te tembora. Ma e ngae ngke I mena itinaniku, I namakina te bwai ae tamaroa inanou. Ngaia are I kona n iangoia bwa aekakira aron te namakin ngkana ko mena inanona. A tuangai au utu bwa te tembora bon te tabo ae ti kona ni kukurei iai ni kororaoin ana babaire te Atua are e katauraoia ibukira.

I reiakinaki naba man aia reirei burabeti bwa I kona ni karaoi berita aika tabu inanon te tembora. Berita ni kabane ake ti karaoi inanon te tembora a bon rangi ni kakawaki. I karekea au beeba ni kariaia nakon te tembora, ao I a bon aki kona n tataninga ni kan kabongana. Ao I ataia bwa n te bong teuana ngkana I kabaeaki ma buu te aine ibukin taai aika a na roko, N na kona ni karekea oin au utu ae akea tokina.

E maeka te tia koro karaki i Culiacan, Mexico.