“Katoma,” Ibukin Kakorakoraia Kairake, Turai 2022.
Katoma
Ana Julia A.
17, São Paulo, Brazil
Tamnei iroun Leonardo Conceição Motta
I maeka n aonon abau ae rangi ni kauaomata. I tangiria ni maeka ikai ao ni kunei taabo aika a boou ma au utu. I maeka ma au karo, tariu ae uarereke, ao ara kamea, ae Meghan. I tangiria ni mena rarikiia. Ti ngarengare n tainako ao ni kataia ni karaoi bwaai aika a boou ao man kakukurei. Iai bwaai ae ti unga riki iai nakon ake tabeua, ma taneiai akanne a tiku mangaira n akea tokina.
I mena n au kabanea n ririki n reirei, ao I kakatauraoi ibukin te ukeuke. E bon nako nanou teutana, ma I onimakina te Uea bwa e na buokai n rinanona.
I kan nanako n taromauri ni katoa Tabati. A rangi ni mwaiti kairake inanon au uoote, ngaia are a kaunga waaki ni kakukurei. Kairake ake a mena irarikiu a buokai bwa n na matoa n te euangkerio. I ataia bwa e rangi ni korakora aia onimaki.
I a katauraoai nakon te mwakuri ni mitinare. I tangiria ni tibwaua te euangkerio ma tabeman n aron are a karaoia mitinare ma au utu. I ataia bwa e na bitii maiuia ao ngai n aki toki. I kakaitau n ataia bwa e kona n reke au utu ae akea tokina.