N na kanga ni motikia bwa ningai te tai ae e tamaroa n nako ni mtinare?,” Ibukin Kakorakoraia Kairake, Turai 2022.
Titiraki ao Kaekaia
“N na kanga ni motikia bwa ningai te tai ae tamaroa n nako ni mitinare?”
E Katauraoa te Kawai te Uea
“Iai ana mwakuri Tamara are i Karawa ibukira bwa ti na karaoia. Ngkana ti wareka Ana taeka, ao aia taeka Ana toro ake a tia n rineaki, ti na ataia ma te koaua bwaai ake E tangiriira bwa ti na karaoi. Ti ataia bwa te Uea e na katauraoa te kawai ibukira ni kakoroi bukin bwaai are E tuangiira bwa ti na karaoi (taraa 1 Nibwaai 3:7). E na memena ikekei n taainako ngkana ti kekeiaki n ongotaeka n Ana tua.”
Manuela O., 15, Ghana
Ko kona Namakina ae ko Aki Tauraoi 100%
Ngai te tia karebaba ae bane arou, ao I katikua moa bwa I aonga n rinanon moa te kukurei are e roko man karaoan te mwakuri ni mitinare. I tataninga ni karokoa are I namakinna bwa I a tauraoi n nako, ao I a tia ni kakabwaiaaki ibukina. Bon te babaire imarenam ma Tamam are i Karawa. Ko kona Namakina ae ko Aki Tauraoi 100%. Kanakoan am beeba bon kataan am onimaki , ma e rangi ni uaana.”
Jordan C., 22, California, USA
Te Uea e na Katauraoiko ao ni Kakorakorako
“Ko kona ni butiia te Uea n am tataro n taainako. Te Uea e na kakorakoraia naake E weteiia bwa a na riki bwa mitinare. Ngke e mate tamau, e kabebeteaki nanou man au koaua ibukin te babaire ni kamaiu. Ma a rangi ni mwaiti aomata n te aonaaba aei ake a bon teimatoa n aki ataa ana babaire ni kamaiu Tamara are i Karawa. I ataia bwa e katauraoiia aomata ibukiu te Uea u bwa N na reireiniia.”
Felipe F., 17, Brazil
Korei Taian Wirikiriki
“Ngke I tataro ibukin nakou ni mitinare, I korei taian wirikiriki ake I karekei man taian marooro, anene, ke mairouia raoraou. Ngkana I namakina te bwarannano n au tai ni katauraoi ibukin nakoiu ni mitinare, N na bae n okirikaaki ao ni wareki bwaai ake I tuangaki iroun te Tamnei. I nikirii au beeba ao n onimakina te Uea. Ngkana ko waakinako ma te onimaki, ko aki ataia bwa ena kanga ni mwakuri, ma ko na kunea bain te Atua ni karaoan am babaire!”
Bryanna M., 19, Oregon, USA
Karekea Am Kakabwaia n Tamanuea
“Man te tai are e reke iai au kakabwaia n tamanuea, I ataia bwa I kona n tibwaua te euangkerio. I a katauraoai ibukin au mwakuri ni mitinare ngkai man tibwaan te euangkerio ma raoraou. E ngae ngke I namakinna bwa te beku n ae bwanin taina e aki nakoraoi ibukiiu ngkana I a ikawai, I teimatoa n ataia bwa I kona n tibwaua te euangkerio inanon bongin nako maiiu.”
Elise D., 14, Florida, USA
Butiia te Uea ao Tabeman
Ai bon tibwa 14 au ririki ni maiu, ma I kaman tia n iangoa raoi te titiraki aei i bon irou. Ngke e a roko te tai are N nang baireia bwa nningai ae N na riai ni beku iai, N na tataro nakon te Uea bwa e na buokai ni karekea te kaeka. N na marooro naba ma aomata ake I rangi n rena mangiia, n ikotaki ma au utu, te bitiobi, ao raoraou.”
Jordan V., 14, Nevada, USA
E na Anganiko te Kaeka te Uea
Iai nanou ni kan nako ni mitinare, ma I ataia bwa tiaki te babaire ae bebete. Ngkana ti botumwaaka n ukeuke ni wareki booki aika tabu ao n tataro n taainako nakon Tamara are i Karawa, I ataia bwa E na bon kairiira. Onimakina te Uea. E na tuangko te tai ae eti ibukim n nako ni mitinare. Teimatoa ukoukori kaeka, ao ko na karekea ao n namakinna bwa ko a tauraoi.”
Nicolle R., 14, Brazil
Katauraoi n te Tamnei, n te Iango, ao n Rabwata
“Tataro ma te nano ae koaua ao rinanon raoi booki aika tabu ibukin am babaire. Tatauraoi nakon ana wirikiriki te Tamnei are e na tuangko. Ao n te tai anne, ko kona ni kaei bootaki n toa nii kabane, boowi, tieminari, kiraati n te Reirei n Tabati, ao aia kiraati ataeinnaine ke aia boowi kaain te kooram n te Nakoanibonga ae te Aaron. Ko kona naba ni katauraoa am iango ao n rabwatam.”
Addison H., 14, Utah, USA