“Tumikia kwa Moyo Wako Wote na Kwa Furaha Njema,” Kwa Ajili ya Nguvu kwa Vijana, Julai 2022.
Tumikia kwa Moyo Wako Wote na Kwa Furaha Njema
Wakati fursa ya huduma ilipopatikana katika Benki ya Chakula ya Mexico, wasichana watatu (pamoja na mimi), kijana mmoja kutoka katika kikundi chetu cha vijana, na wengine 10 waliamua kushiriki.
Mwanzoni, sikujua tungefanya nini. Lakini hivi karibuni watu katika benki ya chakula walieleza kwamba tungetenganisha vyakula vinavyoharibika na visivyoharibika katika mifuko ya mboga ili kutengeneza vifurushi vya chakula kwa ajili ya watu wenye uhitaji. Kikundi chetu kiligawanya kazi, na kisha tukaanza kufunga. Tulifanya kazi haraka kama timu na kuweka pamoja zaidi ya mifuko 500 ya mboga!
Kutokana na uzoefu huu nilijifunza kwamba hata kama hatuna rasilimali nyingi sisi wenyewe, bado tunaweza kuwasaidia wengine ambao wana kidogo. Hatua kwa hatua, sote tunaweza kusaidia kwa njia tofauti. Ninajua kwamba tunabarikiwa tunapohudumia.
Nilipenda sana kutumikia kwenye benki ya chakula. Ikiwa ningepewa fursa ya kuifanya tena, bila shaka ningefanya! Ilikuwa vizuri sana kuweza kuwahudumia wengine. Ikiwa una nafasi ya kutumikia, fanya hivyo! Na fanya hivyo kwa moyo wako wote na kwa furaha njema
Mwandishi anaishi Mji wa Mexico, Mexico,