“Nguvu Tunayoiita Neema.” Kwa Ajili ya Nguvu kwa Vijana, Julai 2022.
Msaada wa Kimaisha
Nguvu Tunayoiita Neema
Neema ya Mungu inaweza kutusaidia, bila kujali changamoto tunazokumbana nazo.
Picha kutoka Getty Images
Nilihudhuria mazishi ya mshiriki wa zamani wa kata ambaye alikufa kwa kujiua baada ya kuhangaika kwa muda mrefu na mfadhaiko. Moyo wangu ulivunjika nilipoomboleza msiba wake na marafiki na familia yake.
Mfadhaiko na changamoto zingine za afya ya akili zinaweza kuwa changamani na ngumu kwa watu wanaoshughulika nazo na kwa wote wanaowapenda. Habari njema ya injili ni kwamba Kristo anatoa tumaini na msaada kupitia zawadi yake ya neema.
Utafiti uliohusisha vijana 600 katika Chuo Kikuu cha Brigham Young ulionyesha kwamba wale walioelewa neema ya Yesu Kristo walikuwa na viwango vya chini vya mfadhaiko, wasiwasi, ukamilifu, na aibu.1 Je, vijana hawa walielewa nini kuhusu neema iliyoleta mabadiliko makubwa sana katika maisha yao?
Mungu Anatupenda Sana
Katika utafiti huo, watu fulani waliamini kwamba Mungu na Yesu Kristo wangewapenda na kuwasaidia ikiwa tu tayari walikuwa wakamilifu. Watu hao walipata shida zaidi kuliko wengine ambao walielewa kwamba Mungu na Yesu Kristo wanawapenda sana na wako daima kwa ajili yao.
Kwa Kiingereza, neno neema lina maana nyingi. Inaweza kumaanisha umaridadi, fadhili, au adabu. Katika Kiebrania, neno hilo linamaanisha kibali au nia njema inayotolewa kwa huruma. Labda hii inaeleza kwa nini Wakristo kwa karne nyingi wametumia neno neema kufafanua upendeleo, nia njema, na upendo wa Mungu.
Mungu Anatamani Kutusaidia
Watakatifu wa Siku za Mwisho wanaelewa kwamba neema inamaanisha zaidi ya sifa ya Mungu tu. Neema pia inaeleza jinsi Yeye anavyojishughulisha nasi tunapojitahidi kuwa kama Yeye (ona Moroni 10:32). Rais Dieter F. Uchtdorf, Mshauri wa Pili wa wakati huo katika Urais wa Kwanza, alieleza kwamba neema ni “msaada mtakatifu na majaliwa ya nguvu ambayo kwayo tunakua kutoka kwa viumbe wenye dosari na wenye mipaka ambayo sasa tuko katika viumbe vilivyoinuliwa.”2
Katika uchunguzi uliotajwa mwanzoni, vijana walioona Mungu na Kristo kuwa tayari, walio tayari, na wenye uwezo wa kuwasaidia walikuwa na matatizo machache ya afya ya akili kuliko wale waliohisi kuwa wako peke yao.
Mungu Hukutana Nasi Pale Tulipo.
Watu wengi sana wanahisi msaada wa Mungu haupatikani kwao kwa sababu kwa namna fulani bado hawajaupata. Ukweli ni kwamba, neema ni zawadi. Hauhitaji kupata zawadi. Unahitaji tu kuchagua kupokea.
Katika utafiti huo, kulikuwa na matatizo machache ya afya ya akili miongoni mwa wale walioelewa kuwa Mungu hutusaidia popote tulipo na bila kujali tumefanya nini. Mzee D. Todd Christofferson wa Akidi ya Mitume Kumi na Wawili amefundisha “Hatuhitaji kupata kiwango cha chini cha uwezo au wema kabla Mungu kutusaidia—msaada wa kiungu unaweza kuwa wetu kila saa ya kila siku, bila kujali pale tulipo katika njia ya utii.”3
Katika mazishi ya rafiki yangu, nilishukuru kwa ushuhuda wenye nguvu ambao ulitolewa kuhusu tumaini na uponyaji unaopatikana kwa wote kupitia Upatanisho wa Yesu Kristo. Kweli, Kristo ndiye suluhisho la kila tatizo na chanzo cha furaha ya kweli.