Go Stret long Poen

?From wanem i no gat ol merikel tedei, semmak olsem we i gat long ol skripja?

Insaed long ol skripja, i gat plante stori blong ol merikel. Sam merikel oli bigwan mo mekem man i sek, olsem taem Red Si i seraot, o taem Hem i resemap wan i kamaot long ded. ?Be weswe long tedei? ?Ol merikel oli stap hapen yet?

Yes, oli hapen. Maet bae yumi no stap harem tumas abaot ol merikel ia, be ol merikel oli stap hapen yet insaed long laef blong ol pipol, evri taem.

Elda Ronald A. Rasband blong Kworom blong Olgeta Twelef Aposol i bin talem: “Plante long yufala i bin witnesem ol merikel, moa bitim we yufala i luksave. Ating oli smol. … Be, sapos hem i smol mo bigwan, hemia i no talem se i bigwan, i no talem se hemia nao wan merikel, be i talem nomo se i kam long God” (Epril 2021 Jeneral Konfrens [Liahona, Mei 2021, 110]).

Eni help we i kam long God, bae oli save singaotem se i wan merikel. Plante pipol oli gotru long ol merikel. Olgeta pipol ia, samtaem oli serem stori blong olgeta, be plante taem, oli holemtaet i blong olgeta, i tabu—i bitwin olgeta mo God.

Mo tingbaot tufala impoten samting ia abaot ol merikel: (1) ol merikel oli kam nomo taem ol pipol oli gat fet, mo (2) ol merikel oli hapen nomo folem tingting blong Lod mo folem taem blong Hem. Bae yumi no save jusum se i hapen olsem wanem, o wetaem, be ol merikel blong Lod oli stap hapen, iven tedei. Iven long yu.