“No Fraet—Lod I Stap wetem Yu,” Blong Ol Yut Oli Kam Strong, Julae 2022.
Las Toktok
No Fraet—Lod I Stap wetem Yu
I kamaot long wan toktok blong jeneral konfrens blong Oktoba 2018
Fraet i no wan niu samting. Stat long taem bifo, fraet i stap katem sot lukluk blong ol pikinini blong God. Long Seken King, king blong Siria i sendem wan ami blong kasem mo kilimded profet Elisa.
“Nao long eli moning, wokman blong [Elisa] i wekap, i go afsaed, nao i luk ol soldia blong Siria oli stap hivap raon long taon ya. “Man blong wok blong [Elisa] i talem long Elisa: ‘!Profet! !Naoia yumi lus finis! ?Bambae yumi mekem olsem wanem?’” (2 King 6:15).
Fraet ia i toktok.
“Be [Elisa] i talem se: ‘Yu no fraet. Olgeta long saed blong yumi oli plante moa, i winim olgeta ya.’
“Mo Elisa i prea se: ‘Hae God. Plis yu openem ae blong man ya, blong hem i luk paoa blong yu.’ Nao Hae God i openem ae blong man ya, mo hem i luk we hil ya we taon i stap long hem i fulap gud long faea we i olsem ol hos wetem ol kat blong faet we oli stap hivap raon long profet ya” (2 King 6:16–17).
Maet yumi no gat ol hos mo ol faea kat blong ronemaot ol fraet blong yumi mo winim ol devel blong yumi, be lesen i klia. Lod i stap wetem yumi, i gat tingting long yumi mo i stap blesem yumi long ol wei we Hem nomo i save mekem.
Sapos yumi tru se yumi trastem Lod mo wei blong Hem, sapos yumi stap fulwan long wok blong Hem, bambae yumi no fraet long ol paoa blong wol o mekem tingting blong yumi i trabol long olgeta. Lod i stap lukaotgud long yumi, i stap kea long yumi, mo i stap stanap long saed blong yumi.