Ana Julia A.

17 yia, Sao Paolo, Brasil

Pikja

wan yang woman

Foto i kam long Leonardo Conceição Motta

Mi stap laef long wan eria we populesen blong hem i bigwan moa long evri ples long kantri blong mi. Mi laekem tumas blong laef long ples ia, mo go stap luk ol niu ples wetem famli blong mi. Mi stap laef wetem papa mo mama blong mi, yangfala sista blong mi, mo dog blong mifala, Megan. Mi lavem blong stap wetem olgeta. Mifala i stap laf plante mo stap traem blong mekem ol samting we oli niu mo oli intresting. Mifala i laekem sam samting bitim sam nara samting, be ol eksperiens oli stap long memori blong mifala blong oltaem.

Mi stap mekem las yia blong skul blong mi, mo mi stap rere blong mekem ol las eksam blong mi. Mi stap fraetfraet yet, be mi trastem Lod se bae Hem i helpem mi tru long ol eksam ia.

Mi laekem tumas blong stap go long jos long evri Sandei. I gat plante yang pipol long wod blong mi, mekem se ol aktiviti oli nambawan. Ol yut raon long mi oli helpem mi blong stap strong insaed long gospel. Mi save talem se oli gat plante fet.

Mi stap rere blong givim seves long wan misin. Mi wantem serem gospel wetem ol narawan olsem ol misinari oli bin mekem wetem famli blong mi. Mi save se hemia bae i jenisim laef blong olgeta, mo bae i jenisim laef blong mi tu blong oltaem. Mi talem tangkyu se mi mi save se, mi save gat wan famli we i no save finis.