“Semati,” Me iSakisaki ni iTabagone, Sepiteba 2022.
Semati
Lindsey B.
15, Kentucky, Amerika
iTaba mai vei Christina Smith
Au sa yabaki 15, kau tiko ena yabaki vaka sophomore ena koronivuli torocake. Au qitora e tolu na qito: basiketepolo, veitavipolo, kei na ravupolo. Na noqu bula taucoko e sa vakaogai ga ena qito kei na matavuvale.
Ena gauna ni COVID, lakovata kei na kena sega tu ni matata na veika vakavuli, au a vakanuinui ga vua na Turaga ni na kila na veika e vinaka duadua vei keda taucoko. Keimami a qai lesu tale na gonevuli ki na curu i bure, ka a vinaka sara vei au, baleta niu sega ni dau vuli vinaka e taudaku ni koronivuli.
Ena noqu koronivuli e ratou lewe tolu walega na lewe ni Lotu. E dredre vakalailai ni ratou sega mada ga ni tiko ena noqu kalasi se ena noqu ilawalawa. Ia kevaka mada ga e vuqa vei ira na noqu itokani era sega ni Yalododonu Edaidai, au rawa ni kunea eso ka vinaka na nodrai ivakatagedegede. E vukei au meu tiko veimaliwai kei ira na tamata era sega ni tabaki au sobu.
Meu “Rogoci Koya,” au vinakata meu dau tiko duadua ka masu ka vakasaqara na ivolanikalou me baleta na noqu leqa. Niu cakava oqo e vukei au meu kila na ka e vinakata na Turaga meu cakava ena dua na ituvaki ni bula ka vakasamataka na ivakarau ena cakava kina o Koya.